მთავარი ეკონომიკური მოვლენები 31 მაისის დილისათვის

მედიაჰოლდინგ „კომერსანტის“ მმართველი პარტნიორი გიორგი აბაშიშვილი რადიო „კომერსანტზე“ თავის რუბრიკაში – „ბიზნეს ინსაიდერის ბრიფინგი“ მსოფლიო ეკონომიკის მნიშვნელოვან ამბებს მოგვითხრობს.

ნავთობი და სანქციები

BI: ირანის შემოსავალი ნავთობისა და გაზის ექსპორტიდან 60%-ით გაიზარდა, რაც რუსეთ–უკრაინის ომის გამო ენერგორესურსების გაძვირებამ განაპირობა.

WSJ: ნავთობის ფასი ბოლო ორ თვის  განმავლობაში უმაღლეს დონემდე გაიზარდა.

FT: ნავთობი არღვევს 120 დოლარიან მაჩვენებელს ბარელზე ბენზინისა და დიზელის ფასების ზრდის გამო. ეს ყოველივე რუსეთიდან ნედლეულის მიწოდების შესახებ გაურკვევლობით არის გამოწვეული, რამაც ნედლი ნავთობის ფასი ბოლო 2 თვის უმაღლეს დონემდე აიყვანა.

BI: ნავთობის მცირე მოვაჭრეები ახლა რუსული ნედლი ნავთობის ერთი გარიგებიდან 20 მილიონ დოლარს შოულობენ – 33-ჯერ მეტს, ვიდრე ომამდე.

NYT: ევროკავშირის ლიდერებმა ორშაბათს გვიან საღამოს მიაღწიეს მნიშვნელოვან პოლიტიკურ შეთანხმებას ბლოკის რუსული ნავთობის იმპორტის უდიდესი ნაწილის აკრძალვის შესახებ წლის ბოლომდე.

BI: აშშ–ის სანქციების თავიდან არიდების მიზნით რუსეთი ობლიგაციების გადახდის ახალ სისტემას ქმნის. ამით კრემლი ცდილობს თავიდან აიცილოს ისტორიული დეფოლტი.

მსოფლიო ეკონომიკა

გეორგიევა ტვიტერზე: ჩვენ გავაგრძელებთ ბულგარეთის ეკონომიკის განვითარების მხარდაჭერას, განსაკუთრებით ამ რთულ პერიოდში, როდესაც უკრაინის ომის შედეგად მთელი რეგიონის ეკონომიკა დაზარალდა.

The Economist Intelligence Unit: 2022 წლის პირველ კვარტალში ჩვენ საოპერაციო რისკის ქულა ქვეყნების მესამედს შევუმცირეთ.

BI: ფედერალური სარეზერვო სისტემის წარმომადგენელი ითხოვს განაკვეთების კიდევ „რამდენიმე“ პუნქტით აწევას მზარდი ინფლაციის წინააღმდეგ საბრძოლველად.

The Economist: პანდემიის ერთი წლის შემდეგ, სამომხმარებლო ხარჯების სტრუქტურა მკვეთრად შეიცვალა, რადგან შინამეურნეობები უფრო მეტს ხარჯავდნენ საქონელზე, ვიდრე მომსახურებაზე. ახლა ხარჯები იწყებს სხვა მიმართულებით გადასვლას.

Bloomberg: ჩინეთში წარმოების შემცირება გრძელდება, მაგრამ მაისში უფრო ნელი ტემპით, რადგან ქვეყნის ყველაზე მკაცრმა Covid-ის შეზღუდვამ დაიწყო თანდათანობით მოხსნა ზოგიერთ რაიონში, რაც იმაზე მეტყველებს, რომ მიმდინარე ეკონომიკური ვარდნის ყველაზე რთული პერიოდი დასასრულს უახლოვდება

Reuters: ჩინეთი აცხადებს, რომ მისი იანვარ-აპრილის არაფინანსური პირდაპირი ინვესტიციები იზრდება წლიური 4.5%-ით

FT: ინდოეთის მთლიანი შიდა პროდუქტის მაჩვენებლები მცირდება. ეკონომისტები ვარაუდობენ, რომ სამშაბათის მშპ–ის ანგარიში აჩვენებს ინდოეთის ეკონომიკის შენელებას მეოთხე კვარტლისათვის

Commersant: საქართველოს სტატისტიკის ეროვნული სამსახურის აღმასრულებელი დირექტორი გოგიტა თოდრაძე ბრიფინგს გამართავს. თემა: ეკონომიკური ზრდის წინასწარი შეფასება – 2022 წლის აპრილი.