Business Political Insights BPI.GE
მედიაჰოლდინგ „კომერსანტის“ მმართველი პარტნიორი გიორგი აბაშიშვილი რადიო „კომერსანტზე“ თავის რუბრიკაში – „ბიზნეს ინსაიდერის ბრიფინგი“ მსოფლიო ეკონომიკის მნიშვნელოვან ამბებს მოგვითხრობს.
სანქციები და ენერგეტიკა
BI: გაზის ფასებმა რეკორდულ მაჩვენებლებს მიაღწია, მაგრამ ნუ ელით ბაიდენს, რომ შეამცირებს მათ: მათ უკვე გამოიყენეს თავიანთი ყველაზე დიდი რესურსი.
Bloomberg: ნავთობის ფასები სტაბილურად შენარჩუნდა ახალი სავაჭრო კვირის გახსნაზე, რადგან ჩინეთმა მიაღწია პროგრესს ანტივირუსული შეზღუდვების შემსუბუქებაში, ხოლო ევროკავშირმა განაგრძო მუშაობა რუსეთის ნედლეულის იმპორტის აკრძალვის გეგმაზე ლიდერების სამიტის წინ.
ატლანტიკური საბჭო: იმისთვის, რომ სანქციებმა იმუშაოს, დასავლეთმა უნდა შეამციროს რუსული ნავთობისა და გაზის შესყიდვები და ეს ძალიან სწრაფად უნდა გააკეთოს.
FT: ევროპის ერთიანობა რუსეთის წინააღმდეგ სანქციებთან დაკავშირებით ინგრევა, აცხადებს გერმანიის ეკონომიკის მინისტრი. დიპლომატები ხაზს უსვამენ უთანხმოებას სანქციების პაკეტზე, რომელსაც წევრი ქვეყნები ორშაბათს განიხილავენ.
Foreign Policy: დასავლური ბიზნესისთვის რუსეთში დარჩენა არ ნიშნავს მხოლოდ პუტინის ომის მხარდაჭერას. ეს ნიშნავს ხელისუფლებასთან თანამშრომლობას და იმის აღიარებას, რომ თქვენი ბიზნესი მხოლოდ პუტინის ახლობლების კეთილი ნებით არსებობს.
სასურსათო უსაფრთხოება
IMF: უკრაინის ომის ფონზე ხორბლის ფასმა რეკორდულად მოიმატა – ომში მონაწილე ქვეყნები მსოფლიო ექსპორტის თითქმის მესამედს უზრუნველყოფენ. სურსათზე ხარჯების გაზრდის გამო ინფლაცია შეიძლება კიდევ უკფრო დაჩქარდეს.
• ხორბლის ექსპორტის გარდა შემცირდება სასუქების მიწოდება, რომლებიც საკვანძოა სოფლის მეურნეობისთვის.
• მსოფლიოს ქვეყნების უმეტესობა სასუქების მნიშვნელოვანი რაოდენობით იმპორტს ახორციელებს რუსეთიდან ან უკრაინიდან.
WB: გლობალური კრიზისის დაძლევა, რომელსაც ახლა მსოფლიო აწყდება, საერთაშორისო თანამშრომლობას საჭიროებს.
The Economist: ეკონომისტები ვარაუდობენ, რომ ექსპორტის აკრძალვაზე უკეთესი გამოსავალი იქნება სოციალური უსაფრთხოების ქსელების გაძლიერება ვაჭრობის გახსნის დროს.
მსოფლიო ეკონომიკა
FT: ცენტრალური ბანკები სწრაფად ზრდიან მონეტარული პოლიტიკის განაკვეთებს. ეს არის ყველაზე აქტიური გამკაცრება ორ ათწლეულზე მეტი ხნის განმავლობაში,
WB ტვიტერზე: ადამიანების პირველ ადგილზე დაყენება, ადამიანურ კაპიტალში ინვესტიციების გზით, გადამწყვეტია მდგრადი, ინკლუზიური, გრძელვადიანი ზრდისა და სიღარიბის შემცირებისთვის.
ADB: ცენტრალურ აზიაში უფრო მეტი ადამიანი ყიდულობდა ონლაინ პანდემიის დროს, მაგრამ მიუხედავად ამისა ჯერ კიდევ ბევრია გასაკეთებელი იმისთვის, რომ ელექტრონული კომერცია სრული პოტენციალით ამუშავდეს.
FT Weekend: სადილი არის დაუწერელი საუბრისა და დისკუსიების პლატფორმა. სწორედ მაშინ მოდის კრეატიულობა, იდეები და შთაგონება.
