მთავარი ეკონომიკური მოვლენები გიორგი აბაშიშვილის „ბიზნეს ინსაიდერის ბრიფინგიდან“

მედიაჰოლდინგ „კომერსანტის“ მმართველი პარტნიორი გიორგი აბაშიშვილი რადიო „კომერსანტზე“ თავის რუბრიკაში – „ბიზნეს ინსაიდერის ბრიფინგი“ მსოფლიო ეკონომიკის მნიშვნელოვან ამბებს მოგვითხრობს.

პრეზიდენტი ზელენსკი ტვიტერზე წერს, რომ გრძელდება მუდმივი დიალოგი პრეზიდენტ ბაიდენთან, ისაუბრეს მათ შორის შესაძლო მაკროფინანსურ დახმარებასა და რუსეთის წინააღმდეგ სანქციების გაძლიერებაზე.

აშშ-ის ხაზინის მდივანი ატლანტიკურ საბჭოში: სანამ პუტინი არ დაასრულებს თავის ამაზრზენ ომს, ბაიდენის ადმინისტრაცია იმუშავებს ჩვენს პარტნიორებთან, რათა რუსეთი კიდევ უფრო მეტად მოექცეს ეკონომიკურ, ფინანსურ და სტრატეგიულ იზოლაციაში.

ჩვენ, სანქციების დამკვეთი ქვეყნები, ვეუბნებით რუსეთს, რომ ვაღიარებთ წესებს, ნორმებსა და ღირებულებებს, რომლებიც საფუძვლად უდევს გლობალურ ეკონომიკას, ჩვენ აღარ მოგცემთ ჩვენთან ვაჭრობის ან ინვესტიციის პრივილეგიას.

რუსეთსა და უკრაინას შორის ომმა გადახაზა მსოფლიო ეკონომიკური პერსპექტივის კონტურები.

როდესაც რუსეთმა მიიღო გადაწყვეტილება უკრაინაში შეჭრაზე, მან წინასწარ განსაზღვრა გლობალური ფინანსური სისტემიდან გასვლა.

ხაზინის მდივანი მიმართავს ქვეყნებს, რომლებიც არ უერთდებიან რუსეთის წინააღმდეგ ქმედებებს: “ჩვენი საერთაშორისო წესრიგის მომავალი, როგორც მშვიდობიანი უსაფრთხოებისთვის, ასევე ეკონომიკური კეთილდღეობისთვის, საფრთხეშია”.

სანქციების გამცემი ქვეყნები არ იქნებიან „გულგრილები“ სხვა ქვეყნების ქმედებების მიმართ, რომლებიც მოქმედი სანქციების შელახვას ისახავენ მიზნად.

საკითხზე, თუ როგორ იმოქმედა რუსეთის ომმა უკრაინაში გლობალურ ეკონომიკაზე, ხაზინის მდივანი ამბობს, რომ გამოიწვია ინფლაცია და აჩენს კითხვებს რეცესიის შესახებ: ”ეს იქნება ჩვენთვის გადაუდებელი საზრუნავი მომავალ კვირას, რათა ვიფიქროთ იმაზე, თუ როგორ შეგვიძლია თავიდან ავიცილოთ შიმშილი მთელს მსოფლიოში“.

FT – აშშ-ს ხაზინის მდივანმა ჯანეტ იელენმა გააფრთხილა ეკონომიკური და ფინანსური შედეგების შესახებ ჩინეთი და სხვა ქვეყნები, რომლებიც რუსეთთან კავშირებს ინარჩუნებენ, თუ ისინი შეეცდებიან ძირი გამოუთხარონ დასავლელი მოკავშირეების მიერ გამოქვეყნებული ყოვლისმომცველი სანქციების პაკეტს. ოთხშაბათს იელენმა ისაუბრა ვაშინგტონის ვალდებულებაზე, რუსეთს კიდევ უფრო უბიძგოს „ეკონომიკური, ფინანსური და სტრატეგიული იზოლაციისკენ“, სანამ ის განაგრძობს თავდასხმებს უკრაინაზე.

IMF – Washington, DC: The Heads of the World Bank Group (WBG), International Monetary Fund (IMF), United Nations World Food Program (WFP) და and World Trade Organization (WTO) აკეთებენ ერთობლივ განცხადებას სასურსათო უსაფრთხოების თემაზე დაუყოვნებლივი მოქმედებებისთვის. “გადამწყვეტი მნიშვნელობა აქვს სწრაფად მოხდეს სასურსათო კრიზისისადმი მოწყვლადი ქვეყნების მხარდაჭერა კოორდინირებული გზით. ჩვენ მზად ვართ ვიმუშაოთ ჩვენს მრავალმხრივ და ორმხრივ პარტნიორებთან ერთად, რათა დავეხმაროთ ქვეყნებს ამ გადაუდებელი კრიზისის მოგვარებაში”, – ნათქვამია განცხადებაში.

გეორგიევა ტვიტერზე: სასურსათო დაუცველობა არის სერიოზული და მზარდი შეშფოთება ძალიან ბევრი ადამიანისთვის მთელ მსოფლიოში. ეს არის უკრაინის ომის კიდევ ერთი მძიმე შედეგი. ჩვენ შეგვიძლია საუკეთესოდ გავუმკლავდეთ ამ პრობლემას და დავიცვათ ყველაზე დაუცველები – ერთად მუშაობით. სხვა ინსტიტუტების ლიდერებთან ერთად, მე საჭიროდ მიმაჩნია სასწრაფო კოორდინირებულ ქმედებებისკენ მოწოდება: საჭიროა საკვების მიწოდება, ფინანსური მხარდაჭერა, სოფლის მეურნეობის წარმოების გაზრდა და ღია ვაჭრობა.

ინსაიდერი – მსოფლიო ბანკის ინფორმაციით, უკრაინელების 70%-მდე შეიძლება სიღარიბეში აღმოჩნდეს მას შემდეგ, რაც რუსეთის შეჭრამ ქვეყანაში გაანადგურა საარსებო წყაროები და ინდუსტრია.

ნიუ იორკ თაიმსი: მსოფლიო ბანკი უკრაინისათვის  1,5 მილიარდი დოლარის დახმარების გამოსაყოფად ემზადება, რათა დაეხმაროს ქვეყანას იმისათვის, რომ შენარჩუნებული იქნას სახელმწიფო ინსტიტუტების ფუნქციონირება რუსეთის შეტევის ფონზე, განაცხადა მსოფლიო ბანკის პრეზიდენტმა.

FT – ევროკავშირის სრული ემბარგო რუსულ ენერგომატარებლებზე დიდ რეცესიას გამოიწვევს გერმანიაში. შესაბამისად, მომავალ წელს 400 000-ზე მეტ სამუშაო ადგილს დაკარგვას. ოთხშაბათს გამოქვეყნებული ახალი პროგნოზი წინაზე პესიმისტური იყო.

ინსაიდერი S&P Globalზე დაყრდნობით წერს, რომ რუსეთ-გერმანიის სავაჭრო ურთიერთობის რღვევა შესაძლოა ფინანსურ შოკამდე მივიდეს.

FT – კანადის ცენტრალურმა ბანკმა რეფინანსირების საპროცენტო განაკვეთი ნახევარი პროცენტული პუნქტით გაზარდა  და ობლიგაციების შესყიდვის პროგრამის დასრულების შესახებ განაცხადა, რათა თავიდან აიცილოს ინფლაციური მოლოდინები. ეს არის ყველაზე დიდი ზრდა 2000 წლის მაისის შემდეგ.

FT – კორეის ბანკმა საორიენტაციო საპროცენტო განაკვეთი 25 საბაზისო პუნქტით 1,5 პროცენტამდე გაზარდა, რაც ყველაზე მაღალი იყო ბოლო სამი წლის განმავლობაში. ეს გადაწყვეტილება მზარდი ინფლაციის შეკავების მიზნით მიიღეს, რომელიც ახლა ორჯერ აღემატება ცენტრალური ბანკის მიზნობრივ 2 პროცენტს. მიდგომებს ამკაცრებს სინგაპურიც

FT – ევროპის კოსმოსურმა სააგენტომ (ESA) თანამშრომლობა რუსეთთან მთვარეზე სამ უპილოტო მისიაზე, ამ ქვეყნის “უკრაინის წინააღმდეგ აგრესიის” საპასუხოდ.