5 მლნ ევროს ინვესტიცია – ქობულეთში ჩილიმის არომატების საწარმო აშენდა

5 მლნ ევროს ინვესტიცია – ახალი საწარმო ქობულეთში. როგორც აჭარის ფინანსთა და ეკონომიკის სამინისტროში აცხადებენ, ქობულეთში, სოფელ მუხაესტატეში, ჩილიმის არომატების საწარმო აშენდა. საწარმოს მშენებლობისა და აღჭურვის პროცესში 5 მლნ ევროს ინვესტიცია განხორციელდა.

საწარმო ადგილობრივი და საერთაშორისო ბაზრისთვის მაღალი ხარისხის ქართული პროდუქტის, ჩილიმის არომატების მიწოდებას უზრუნველყოფს. კომპანია H HOOKAH საწარმოში დამზადებული ნაწარმის რეალიზება საერთაშორისო ბაზარზე ხდება – „სიამაყით დამზადებულია საქართველოში“.

საერთაშორისო სტანდარტების საწარმოში ამ ეტაპზე 35 ადამიანია დასაქმებული. ბრენდი H HOOKAH WIPO-ს საერთაშორისო ორგანიზაციაშია რეგისტრირებული და 180 ქვეყანას აერთიანებს.

საწარმოს გახსნის ღონისძიებას აჭარის ფინანსთა და ეკონომიკის მინისტრი ჯაბა ფუტკარაძე, აჭარის უმაღლესი საბჭოსა და ქობულეთის მუნიციპალიტეტის ხელმძღვანელი პირები ესწრებოდნენ.

შემთხვევითი სიახლე

მზარდია საბანკო სექტორის მიერ ენერგეტიკის სექტორით დაინტერესება – დავით ნარმანია

საქართველოს ენერგეტიკისა და წყალმომარაგების მარეგულირებელი ეროვნული კომისიის (სემეკ) თავმჯდომარემ, დავით ნარმანიამ მონაწილეობა მიიღო ენერგეტიკული სექტორის …