ქვეყანაში შემოსული ფულადი გზავნილების ნაკადების მოცულობა 142.9%-ით გაიზარდა

15/11/2022 428 ნახვა

2022 წლის ოქტომბერში ქვეყანაში შემოსული ფულადი გზავნილების ნაკადების მოცულობამ 502.0 მლნ აშშ დოლარი (1398.5 მლნ ლარი) შეადგინა, რაც 142.9%-ით (295.3 მლნ აშშ დოლარით) მეტია 2021 წლის ოქტომბრის ანალოგიურ მაჩვენებელზე.

უცხოეთიდან საქართველოში ფულადი გზავნილების 98.0% იმ 23 უმსხვილეს პარტნიორ ქვეყანაზე მოდის, საიდანაც გზავნილების მოცულობა ოქტომბერში თითოეულზე 1 მლნ აშშ დოლარს აღემატებოდა. იმავე 23 ქვეყანაზე გასული წლის ოქტომბერში მთელი ფულადი გზავნილების 92.3% მოდიოდა.

2022 წლის ოქტომბერში საქართველოდან საზღვარგარეთ 31.4 მლნ აშშ დოლარი (87.5 მლნ ლარი) გადაიგზავნა, რაც 2021 წლის ოქტომბრის (30.3 მლნ აშშ დოლარი) ანალოგიურ მაჩვენებელთან შედარებით 3.7%-ით მეტია.

შემთხვევითი სიახლე

დავით ნარმანიამ თბილისის მდგრადი განვითარების რეგიონული ფორუმის განახლებადი ენერგიის შესახებ პანელურ სესიას მოდერატორობა გაუწია

საქართველოს ენერგეტიკისა და წყალმომარაგების მარეგულირებელი ეროვნული კომისიის (სემეკ) თავმჯდომარემ, პროფესორმა დავით ნარმანიამ თბილისის მდგრადი განვითარების …