დასვენება დღეში 15 ევროდან: ევროპის ყველაზე ბიუჯეტური ქვეყნების რეიტინგი

ექსპერტებმა ევროპის პოპულარულ ქვეყნებში დასვენების დღიური ბიუჯეტი გამოთვალეს. აღმოჩნდა, რომ დღე-ღამეში რამდენიმე ათეულ ევროშიც კი შეგიძლიათ ხარისხიანად გაატაროთ დრო და მიიღოთ მაქსიმალური შთაბეჭდილებები.
მაისი იდეალური დროა ზაფხულის არდადეგების დასაგეგმად. შვებულებისთვის მომზადების ერთ-ერთი მთავარი ასპექტია მოგზაურობის ბიუჯეტის განსაზღვრა. ამიტომ ექსპერტებმა შეადგინეს იაფი ქვეყნების რეიტინგი 2023 წლის ზაფხულისთვის. მაშ, სად წავიდეთ ზაფხულში, რომ კარგი დრო გავატაროთ და თან ფული დავზოგოთ?

თურქეთი, პოლონეთი, ბულგარეთი, უნგრეთი და რუმინეთი ზაფხულის არდადეგებისთვის ევროპის ყველაზე იაფი ქვეყნების TOP-5-ში მოხვდნენ.

ბიუჯეტური დასვენების ქვეყნების სიას თურქეთი ლიდერობს. მოგზაურთა ყოველდღიური ხარჯები აქ მხოლოდ 15 ევროა. ექსპერტები აღნიშნავენ, რომ თურქეთი ბრწყინვალე ვარიანტია მოგზაურთათვის, ვისაც სურს დააკავშიროს საზღვაო დასვენება კულტურულ დასვენებას.

კვლევაში ასევე აღინიშნა პროდუქციის დაბალი ფასები თურქეთში. ტურისტები განსაკუთრებით მიირთმევენ უგემრიელეს და საბიუჯეტო ქუჩის კერძებს.

თუმცა, ღირს წინასწარ იცოდეთ თურქეთში ფრენის ღირებულება, რადგან ბილეთები შეიძლება იყოს ძვირი. ამიტომ, გირჩევთ, რეგულარულად აკონტროლოთ ფასები, რათა „დაიჭიროთ“ საუკეთესო შეთავაზება.

ბიუჯეტური მიმართულებების რეიტინგი 2023 წლის ზაფხულისთვის

TOP-10 იაფი ქვეყანა დღეში ხარჯების თვალსაზრისით:

თურქეთი (დღიური ბიუჯეტი – 15 ევროდან);

პოლონეთი (21 ევრო);

ბულგარეთი (27 ევრო);

უნგრეთი (32 ევრო);

რუმინეთი (37 ევრო);

ხორვატია (39 ევრო);

კვიპროსი (46 ევრო);

პორტუგალია (57 ევრო);

საბერძნეთი (62 ევრო);

ესპანეთი (68 ევრო).