ვიქტორ ყიფიანი ისრაელის საგანგებო და სრულუფლებიან ელჩს შეხვდა

ანალიტიკური ცენტრის „ჯეოქეისის“ თავმჯდომარე ვიქტორ ყიფიანი ისრაელის საგანგებო და სრულუფლებიან ელჩს საქართველოში, ჰადას ესტერ მეიცადს შეხვდა.

მხარეებმა ისრაელსა და საქართველოს შორის მეგობრულ ურთიერთობებზე და მათ უფრო გაღრმავებასა და გაძლიერებაზე ისაუბრეს. შეხვედრაზე განსაკუთრებულად აღინიშნა ორი ქვეყნის კულტურისა და აკადემიურ წრეებს შორის კავშირების გაღრმავების მნიშვნელობა, აგრეთვე ისრაელისა და საქართველოს ანალიტიკურ ორგანიზაციებს შორის თანამშრომლობის განვითარების აუცილებლობა ექსპერტული ცოდნისა და გამოცდილების გაცვლის მიზნით.

შეხვედრის დროს ელჩმა ჰადას ესტერ მეიცადმა და ვიქტორ ყიფიანმა მიმდინარე ადგილობრივი და რეგიონში განვითარებული მოვლენები განიხილეს და სხვადასხვა სფეროში თანამშრომლობის პერსპექტივებზეც იმსჯელეს.

შემთხვევითი სიახლე

კონკურენციის სააგენტომ, მომხმარებლის უფლებების დაცვის მიმართულებით, კომპანია “მოდუსს“ დარღვევის ფაქტი დაუდგინა

საქართველოს კონკურენციის ეროვნულმა სააგენტომ, სამშენებლო და სარემონტო მასალებით ვაჭრობის სექტორში, „მომხმარებლის უფლებების დაცვის შესახებ“ საქართველოს …