PSP-ს 23-ე გათამაშებაში 10 წლიანი ხელფასი, 25 000 ლარი და ბინა საბურთალოზე გათამაშდა

თბილისი (BPI) – 7 აპრილს, ხარების დღესასწაულზე, რუსთავი 2-ს პირადპირ ეთერში PSP-ს რიგით 23-ე გრანდიოზულ გათამაშებაში გარემონტებიული ბინა საბურთალოზე  „დონა პალასში“,  25 000 ლარი და 10 წლის მანძილზე ყოველთვიურად 1000 ლარიან ხელფასი გათამაშდა.

უპრეცედენტო პრიზის  „10 წელი 1000 ლარიანი ხელფასი PSP-სგან” უკვე მეორე იღბლიანი მფლობელი ინდირა ქიქავა გახდა. ქალბატონი ინდირას სოხუმში აქვს განათლება მიღებული და პროფესიით აგრობიოლოგია. წლების განმავლობაში მარტვილში პროფსასწავლებელში პედაგოგი იყო, ვიდრე სასწავლებელი არ დაიხურა. 10 წელზე მეტია ქალბატონ ინდირას სამსახური აღარ აქვს, ყოველთვიური ხელფასი მისთვის სწორედ რომ ძალიან აუცილებელი იყო. 1000 ლარიანი ხელფასი ყოველთვე ქალბატონ ინდირას PSP-სგან 10 წლის მანძილზე 2029 წლის აპრილის ჩათვლით ჩაერიცხება.

არანაკლებ სასიხარულო აღმოჩნდა 25000 ლარიანი პრიზი ზუგდიდელი თემურ შამუგიასთვის. მას მეუღლე და ქალიშვილი ჰყავს. ეს თანხა ქალიშვილის უცხოეთში განათლების მისაღებად ზუსტად დროული და საჭირო იყო.

გურამ ცუცქირიძე აქამდე თბილისში, ლოტკინზე ქირით ცხოვრობდა მეუღლესა და 9 თვის შვილთან ერთად. 7 აპრილის PSP-ს გათამაშების შემდეგ იგი თბილისის ერთ-ერთ ცენტრალურ უბანში, საბურთალოზე „დონა პალასში“ მის ოჯახს მხოლოდ პირადი ნივთების გადატანა დასჭირდება, რადგან PSP-სგან მას გარემონტებული ბინა, ჩაშენებული სამზარეულოთი და კეთილმოწყობილი აბაზანით გადაეცემა. 

„PSP ლიდერი კომპანიაა და ჩვენთვის მთავარი მომხმარებელზე ზრუნვაა. გათამაშებას უკვე 11 წელია ვატარებთ და ასეულობით ადამიანის სიხარულის ისტორია შევქმენით. ჩვენი გამარჯვებულები საქართველოს თითქმის ყველა ქალაქსა და რეგიონში არიან. ჩვენ კლვავაც გავაგრძელებთ მომხმარებელზე ორიენტირებული წამახალისებელი ღონისძიებების ორგანიზებას,“- აცხადებენ PSP -ში.

PSP -ს გათამაშებამ უკვე მეორე ათწლეულის ათვლა დაიწყო. 150 იღბლიანი ადამიანის სიხარულის ისტორია საქართველოს სხვადასხვა რეგიონში გადანაწილდა: გამოვლინდა 48 ახალთ-ახალი ავტომობილის, 25000 ლარის 4 მფლობელი, მთელი წელი 2000 ლარიანი ხელფასის – 10 და ბინის – 11 იღბლიანი მფლობელი, 153 ოჯახს პსპ-სგან ძვირადღირებული საჩუქრები გადაეცა; 10 წლის მანძილზე ყოველთვიური 1000ლარიანი ხელფასის იღბლიანი პირველი მფლობელი დავით დუმბაძე PSP-სგან ხელფასს 2018 წლის ნოემბრიდან უკვე იღებს 2028 წლის ნოემბრამდე.