ბათუმი ევროპის მზარდი ტურისტული მიმართულების ტიტულის მფლობელია

თბილისი (BPI) – ბათუმი ევროპის მზარდი ტურისტული მიმართულების ტიტულის მფლობელია, – პორტუგალიაში, მადეირაში ტურიზმის ავტორიტეტული World Travel Awards-ის დაჯილდოების ცერემონია გაიმართა.

World Travel Awards-ი 1993 წლიდან ტარდება. დაჯილდოებაზე ასობით ნომინაცია და ათასობით ნომინანტი კონტინენტებისა და ქვეყნების მიხედვით სხვადასხვა კატეგორიაშია გადანაწილებული. მათ შორისაა წამყვანი სასტუმროები, ტურისტული სააგენტოები, ტურისტული ატრაქციები, მიმართულებები, ტუროპერატორები, ასევე საზღვაო, საგზაო, საჰაერო ტრანსპორტის კომპანიები და ა.შ.

ბათუმისთვის ხმის მიცემა ნებისმიერ მსურველს 28 აპრილის ჩათვლით ღონისძიების ოფიციალურ საიტზე შეეძლო.