სოციალური კეთილდღეობის რეფორმების მხარდასაჭერად საქართველო საფრანგეთისგან 35 მლნ ევროს მიიღებს

თბილისი (BPI) – ფინანსთა მინისტრმა, ივანე მაჭავარიანმა, საქართველოში საფრანგეთის ელჩმა, დიეგო კოლასმა და საფრანგეთის განვითარების სააგენტოს სამხრეთ კავკასიის რეგიონული ოფისის ხელმძღვანელმა, გაელე ასაიაგმა, ხელი მოაეწერეს შეთანხმებას საქართველოსა და საფრანგეთის განვითარების სააგენტოს (AFD) შორის, რომლის საფუძველზეც სოციალური კეთილდღეობის მიმართულებით დაგეგმილი რეფორმების მხარდასაჭერად, საქართველო 35 მილიონი ევროს ოდენობის ფინანსურ რესურსს მიიღებს.

პროგრამის ფარგლებში, 35 მილიონი ევროს პირველი ტრანში მიმდინარე წლის დასაწყისში უკვე ჩაირიცხა სახელმწიფო ბიუჯეტში.

საფრანგეთის განვითარების სააგენტო საქართველოსთან თანამშრომლობს სოციალურ სფეროში 3-წლიანი (2018-2020) პროგრამის ფარგლებში, რომელიც მოიცავს შემდეგ მიმართულებებს: სოციალური მხარდაჭერისა და სოლიდარობის სისტემის განვითარება, მათ შორის, შეზღუდული შესაძლებლობის მქონე პირთათვის ადეკვატური მომსახურების გაწევა, ხელმისაწვდომი და ხარისხიანი ჯანდაცვის სისტემის უზრუნველყოფა, იძულებით გადაადგილებულ პირთათვის გამოყოფილი რესურსების ოპტიმიზაცია, რომელიც გულისხმობს ავარიული შენობის დახურვას, საჭიროების მქონე ოჯახის შესაბამის საცხოვრებელში განთავსებას და სხვა მნიშვნელოვანი ღონისძიებების განხორციელებას.

 

შემთხვევითი სიახლე

ლილოს ნაგავსაყრელზე გაზშემკრების მშენებლობაზე ტენდერი გამოცხადდება

თბილისი (BPI) – ლილოს  დახურული ნაგავსაყრელიდან გამოყოფილი გაზის შეკრება და შემდგომ ელექტროენერგიის წარმოება ქალაქის მერმა უკვე …