Business Political Insights BPI.GE
თბილისი (BPI) – კოტე აფხაზის ქუჩისა და ორბელიანის მოედნის შემდეგ პარკირების ახალი სისტემა ბარათაშვილის ქუჩაზეც ამოქმედდება.
ზონალურ-საათობრივი პარკირების სისტემა ბარათაშვილზე 10 მარტიდან ამოქმედდება.
მოსახლეობის ინფორმირების მიზნით, ადგილზე საინფორმაციო ჯიხურებიც განთავსდება.
ქალაქის მერმა შესაბამისი სამსახურების წარმომადგენლებს მოუწოდა მოსახლეობის სრული საინფორმაციო უზრუნველყოფა მოახდინონ.
პარკირება ადგილობრივი მოსახლეობისთვის უფასო იქნება, თუმცა მათ საკუთარი ავტომობილები შესაბამის პორტალზე უნდა დაარეგისტრირონ.
კახა კალაძის თქმით, ზონალურ-საათობრივი პარკირება შშმ პირებისა და ელექტრომობილების მფლობელებისთვის ბარათაშვილის ქუჩაზეც უფასო იქნება.
