ვფიქრობთ, 2023 წელს ქუთაისის აეროპორტი მილიონ მგზავრს მოემსახურება – არჩუაძე

26/09/2022 527 ნახვა

საქართველოს აეროპორტების გაერთიანების დირექტორი თამარ არჩუაძე აცხადებს, რომ ქუთაისის აეროპორტი 2023 წელს სავარაუდოდ, მილიონზე მეტ მგზავრს მოემსახურება. განცხადება არჩუაძემ Galt&Taggart-ის მიერ მოწყობილი დისკუსიის დროს განაცხადა – “ტურიზმი – გამოწვევები და პერსპექტივაზე”.

“ქუთაისის აეროპორტი 2 კვირის განმავლობაში დაიკეტება ასაფრენ-დასაფრენი ზოლის გეგმიური რეაბილიტაციის გამო. მიმდინარე წელს ასევე გაფართოვდა და 6-ჯერ გაიზარდა ქუთაისის ტერმინალი, რადგან მოთხოვნა იყო გაზრდილი. ვფიქრობთ, მომავალ წელს მილიონ მგზავრზე მეტს მოვემსახურებით”,-აცხადებს არჩუაძე.

2022 წლის იანვარ-აგვისტოში ქუთაისის საერთაშორისო აეროპორტი ჯამში 534 007 მგზავრს მოემსახურა. არსებობის მანძილზე ყველაზე მეტი მგზავრი აეროპორტს 2019 წელს ჰყავდა, როცა მისით 873 616-მა მგზავრმა ისარგებლა. ამ ეტაპზე აეროპორტში 6 ავიაკომპანია 17 ქვეყნის 28 მიმართულებით ოპერირებს.

 

წყარო: bm.ge

შემთხვევითი სიახლე

ფინანსთა სამინისტრო: ბოლო 5 წლის განმავლობაში ბიუჯეტის დეფიციტის ფაქტობრივი მაჩვენებელი მუდმივად კლებადია

ბიუჯეტის დეფიციტურ ხარჯვასთან დაკავშირებით გავრცელებულ მორიგ სიცრუეს, სრულიად აქარწყლებს ის ოფიციალური მონაცემები, რომელიც გამოქვეყნებულია სტატისტიკის ეროვნული სამსახურისა და ფინანსთა სამინისტროს ოფიციალურ ვებგვერდებზე. კერძოდ: ⁠⁠ბოლო5 წლის განმავლობაში ბიუჯეტის დეფიციტის ფაქტობრივი მაჩვენებელი მუდმივად კლებადია; ⁠⁠2025წელი ამ მხრივ გამორჩეული იყო, ვინაიდან პირველად დეფიციტის მაჩვენებელი მნიშვნელოვნად ჩამოსცდა მშპ-ის 2%-ს და 1,4% შეადგინა, რაც ბიუჯეტის დეფიციტის ისტორიული მინიმუმია; ⁠⁠ნომინალურმაჩვენებლებსაც თუ შევხედავთ, გეგმასთან მიმართებით დეფიციტი მცირდებოდა, საშუალოდ, 150-200 მლნ ლარის ფარგლებში, თუმცა გასულ წელს დეფიციტის შემცირების მაჩვენებელმა 1 მილიარდ ლარს გადააჭარბა; ⁠⁠ასევესიცრუეა, თითქოს, შემოსავლებს და ხარჯებს შორის სხვაობა გასულ პერიოდში დაგროვილი ნაშთით დაფინანსდა. თუ შევხედავთ მთავრობის ჯამურ დეპოზიტებს, მისი მოცულობა 2025 წელს, ჯამურად, 900 მილიონ ლარზე მეტით გაიზარდა და 6 მილიარდ 100 მილიონ ლარს გადააჭარბა. ⁠⁠უშუალოდსახელმწიფო ბიუჯეტის დეპოზიტების ზრდამ 80 მილიონ ლარს გადააჭარბა; ⁠⁠ასევე,აღსანიშნავია, რომ 2025 წელს სახელმწიფო ბიუჯეტში დაგეგმილი შემოსავალი გადაჭარბებით შესრულდა და ჯამში, გადაჭარბებამ 200 მილიონ ლარზე მეტი შეადგინა. ამ მონაცემებიდან გამომდინარე, ბიუჯეტის დეფიციტურ ხარჯვასთან დაკავშირებით დღეს გავრცელებული მორიგი დეზინფორმაცია და მისი დაკავშირება სასურსათო პროდუქციის ფასებთან, არის საზოგადოების შეცდომაში შეყვანის მორიგი უშედეგო მცდელობა.