ქუთაისის აეროპორტში არადეკლარირებული ოქროს ნაკეთობები აღმოაჩინეს

თბილისი (BPI) – საბაჟო გამშვებ პუნქტში „ქუთაისის აეროპორტი’’, შემოსავლების სამსახურის მებაჟე ოფიცრებმა, ეჭვის საფუძველზე, საქართველოს მოქალაქის ზ.მ.-ს კუთვნილი ბარგის დათვალიერების შედეგად, 12,926 ლარის არადეკლარირებული ოქროს საიუველირო ნაკეთობები (საერთო წონა 107,06 გრამი) გამოავლინეს. 

​საქართველოს საგადასახადო კოდექსის 289-ე მუხლის მე-14 ნაწილის შესაბამისად, კანონდამრღვევ მოქალაქეს ფულადი ჯარიმა, 12,926 ლარის ოდენობით შეეფარდა.