Business Political Insights BPI.GE
თბილისი (BPI) – Google-მა HUAWEI Mate 20 Pro Android Q beta-ს პროგრამაში დააბრუნა. გარდა ამისა, კომპანია კვლავ განაგრძობს ისეთი ასოციაციების რიგებში ყოფნას, როგორიცაა: SD ასოციაცია, Bluetooth-ისა და Wi-Fi ალიანსი.
კომპანია HUAWEI-სთვის SD ასოციაციის წევრობა არ გაუქმებულა – იგი დროებით შეიცვალა, რათა ა.შ.შ-ის სავაჭრო დეპარტამენტთან შესაბამისობა დადასტურებულიყო. რამდენიმე კვირის წინ გავრცელდა ინფორმაცია, თითქოს SD ასოციაციამ HUAWEI -ს წევრობა შეუჩერა. თუმცა ძალიან მალე, დაახლოებით, ერთ კვირაში, ასოციაციამ კომპანიასთან მოლაპარაკებების პარალელურად, შეცვალა გადაწყვეტილება და HUAWEI-მ SD ასოციაციის წევრთა სიაში კვლავ კუთვნილი ადგილი დაიკავა.
იმ პრობლემების და არასწორი ინფორმაციის სიმრავლის მიუხედავად, რასაც ბოლო დღეებში HUAWEI შეეჯახა, ექსპერტთა გათვლებით, სიტუაცია მალე დასტაბილურდება. მათივე განმარტებით, Android Q beta-ს სიაში დაბრუნება ნიშნავს, რომ ტელეფონს Android-ის ახალი თაობის ბეტა ვერსიის ჩაწერისა და განახლების შესაძლებლობა აქვს.
შეგახსენებთ, რომ Google-ის მიერ, დეველოპერებისთვის მაისში გამართულ კონფერენციაზე (I/O 2019-ზე) HUAWEI -ს მომხმარებელთა ბიზნეს გუნდის დეველოპერები ჩაერთვნენ Android Q-ს ბეტა ტესტირებაში. მოწვეულ დეველოპერებს, Android Q-სთან მოწყობილობის თავსებადობა უნდა გამოეცადათ.
Android Q სმარტფონის პლატფორმის ახალი, მეათე და მნიშვნელოვანი ვერსიაა, რომელიც წარმოდგენილია მომხმარებლის კონფიდენციალურობის მძლავრი დაცვის სისტემით. უახლესი ანდროიდის ვერსია, წარმოგვიდგენს დაცვის ახალ მექანიზმებს და გვთავაზობს უფრო ეფექტურ კონტროლს, ოპერატიულ სისტემებსა და აპლიკაციებს შორის ინფორმაციის მიმოცვლის პროცესთან დაკავშირებით.
ბოლო წლების განმავლობაში, HUAWEI აქტიურად მუშაობდა Google-თან, სისტემის დაცულობისა და ოპტიმიზაციის კუთხით მიღებული გამოცდილების გაზიარების გზით, რათა ერთობლივი ძალისხმევით გაეუმჯობესებინათ ანდროიდ პლატფორმა, შეფასებები, რომლებსაც HUAWEI მიიღებს Android Q beta ვერსიის ტესტირებაში მონაწილე დეველოპერებისგან, Google-საც გადაეცემა რათა შექმნის პროცესშივე შეძლოს პროგრამული უზრუნველყოფის გაუმჯობესება,
HUAWEI-ის პროდუქტები და სერვისები ხელმისაწვდომია 170-ზე მეტ ქვეყანაში და გამოიყენება მსოფლიოს მოსახლეობის მესამედის მიერ. მსოფლიოს მასშტაბით მოქმედებს თექვსმეტი კვლევისა და განვითარების ცენტრი აშშ–ში, გერმანიაში, შვედეთში, რუსეთში, ინდოეთსა და ჩინეთში. HUAWEI Consumer BG არის HUAWEI სამი ბიზნეს ერთეულიდან ერთ–ერთი, მათ ძირითად მიმართულებას სმარტფონების, პერსონალური კომპიუტერების, ტაბლეტებისა და ქლაუდ სერვისების წარმოება წარმოადგენს. HUAWEI-ის გლობალური ქსელი ეყრდნობა ტელეკომუნიკაციის ბიზნესში 20 წლიან გამოცდილოებას და ემსახურება მომხმარებლისთვის ინოვაციური ტექნოლოგიების შეთავაზებას მთელი მსოფლიოს მასშტაბით.
