ყველაზე ძვირადღირებულ თურქულ ბრენდად ისევ Turkish Airlines-ი დასახელდა

12/06/2019 584 ნახვა

თბილისი (BPI) – ყველაზე ძვირადღირებულ თურქულ ბრენდად, გასული წლის მსგავსად ავიაკომპანია Turkish Airlines-ი (THY) დასახელდა. Brand Finance-სმონაცემებით, Turkish Airlines-ის ბრენდის ღირებულებამ 1.74 მლრდ დოლარი შეადგინა.

აღსანიშნავია, რომ Brand Finance-მ ყველაზე ძვირადღირებული ბრენდების ТОР-100 უკვე მეთორმეტედ გამოაქვეყნა.

ყველაზე ძვირადღირებული თურქული ბრენდების რეიტინგში მეორე ადგილზეა Ziraat Bank-ი, რომლის ღირებულებამ 1,64 მლრდ დოლარი შეადგინა. მესამე ადგილზეა Garanti Bank-ი (1,344 მლრდ დოლარი), მეოთხეზე – Türk Telekom-ი (1,185 მლრდ დოლარი), ხოლო მეხუთეზე კი – Turkcell-ი (1,182 მლრდ დოლარი).

მაშ ასე, ყველაზე ძვირადღირებული ТОР-100 თურქული ბრენდების ღირებულება საერთო ჯამში 19.8 მლრდ დოლარს შეადგენს.

შემთხვევითი სიახლე

რაზე იმსჯელეს სემეკის საჯარო სხდომაზე

კომისიის საჯარო სხდომაზე დღის წესრიგით გათვალისწინებულ საკითხებზე იმსჯელეს, რომლებიც შეეხებოდა ელექტროენერგეტიკის სექტორის სხვადასხვა მარეგულირებელი აქტების …