იანვარ-ივნისში მშენებლობის 4991 ნებართვაა გაცემული

თბილისი (BPI) – საქართველოში 2019 წლის იანვარ-ივნისში გაცემულია 4991 ნებართვა (+1%) 3520,9 ათასი კვ.მ ფართობის შენობა-ნაგებობების მშენებლობაზე (+17,5%).

ნებართვების 71,6 პროცენტი მოდის ქვეყნის 3 რეგიონზე. კერძოდ, ჩასატარებელი სამშენებლო სამუშაოების 48,8% თბილისზე, 11,7% – ქვემო ქართლის რეგიონზე და 11,1% – აჭარაზე.

აღსანიშნავია, რომ 2019 წლის იანვარ-ივნისში ნებართვები გაიცა მრავალფუნქციური საცხოვრებელი კომპლექსების, სასტუმროების, სავაჭრო ობიექტების, სამრეწველო საწარმოების, სასოფლო-სამეურნეო დანიშნულების ობიექტებისა და სხვა შენობა – ნაგებობების მშენებლობაზე. გაცემულ ნებართვებში შედარებით დიდი წილით წარმოდგენილია მრავალფუნქციური საცხოვრებელი კომპლექსები. დამთავრებული მშენებლობების ნახევარზე მეტი მოდის ქვეყნის 3 რეგიონზე. კერძოდ, 36,4 პროცენტი ქ. თბილისზე, 15,0 პროცენტი – კახეთის რეგიონზე, ხოლო 9,5 პროცენტი – ქვემო ქართლი.

სულ, 2019 წლის იანვარ-ივნისში ექსპლუატაციაში მიღებულია 1370,6 ათასი კვ.მ ფართობის (წინა წელთან შედარებით 47,6 პროცენტით მეტი) 1236 ობიექტი (წინა წელთან შედარებით 6,3 პროცენტით მეტი).