ბიზნესდაჯილდოება გამარჯვებულებს გამოავლენს

თბილისი (BPI) – თიბისის ბიზნესდაჯილდოება 2019-ის ფინალური ღონისძიება დღეს ჯანსუღ კახიძის სახელობის მუსიკალურ ცენტრში გაიმართება. წლის ყველაზე მნიშვნელოვანი დაჯილდოება ბიზნესებისთვის 5 ნომინაციაში გამარჯვებულებს გამოავლებს. ასევე, წელს პირველად საპატიო ჯილდო ქართული ბიზნესის განვითარებაში შეტანილი განსაკუთრებული წვლილისთვის გამორჩეულ ბიზნესს გადაეცემა.

გამარჯვებისთვის შემდეგი ბიზნესები იბრძვიან:

• საუკეთესო სტარტაპის შექმნისთვის ფაბერი, პროფი, თრიფქარს
• საუკეთესო ინოვაციებისთვის ველი, ოპტიო ეიაი და სისიელეი
• გამორჩეული სოციალური პასუხისმგებლობისათვის ფლასთიქვოჩერ.ჯი, დადარი,  ნატა ბუაჩიძის სტუდია
• თანამშრომლებზე განსაკუთრებული ზრუნვისათვის მიკროგრინი, ვანდერლენდი, ვიაიპი სეკრეტარი
• საუკეთესო პროდუქტის ან მომსახურებისთვის შექმნისთვის სამოსელი პირველი, ალაზნის თავი, სოფლიდან.ჯი

წელს პრიზები უცვლელი რჩება. გამარჯვებულები ბიზნესებზე მორგებულ და მათთვის საჭირო ციფრულ სერვისებს აირჩევენ. თიბისი მათ მხარდაჭერას შემდეგი მიმართულებებით სთავაზობს: ციფრული სტრატეგია და ახალი ვებ-გვერდი, ბრენდის სტრატეგია და საიმიჯო კამპანია და  პროგრამული უზრუნველყოფა.