სეს-ს DTRA-მ ვეტერინარული პრეპარატების შესანახი მაცივრები გადასცა

თბილისი (BPI) – DTRA-ს პროგრამის ფარგლებში, სურსათის ეროვნული სააგენტოს სამეგრელო-ზემო სვანეთისა და გურიის რეგიონულ სამმართველოებში ვეტერინარული პრეპარატების შესანახი მაცივრები დამონტაჟდა.
“ცხოველთა ჯანმრთელობის დაცვის მიზნით, სურსათის ეროვნული სააგენტო სხვადასხვა დაავადების საწინააღმდეგო ვაქცინაციას მთელი ქვეყნის მასშტაბით ატარებს. განახლებული ტექნიკური საშუალებები სააგენტოს შესაძლებლობას მისცემს, უზრუნველყოს ვაქცინების შენახვის პირობების სრული დაცვა და ეფექტიანად განახორციელოს ღონისძიებები,“-განაცხადა სურსათის ეროვნული სააგენტოს უფროსის მოადგილემ ვასილ ბასილაძემ, რომელიც DTRA-ს წარმომადგენლებთან ერთად სააგენტოს რეგიონული სამმართველოებში იმყოფებოდა.
სურსათის ეროვნული სააგენტოსა და აშშ-ის საელჩოს თავდაცვის საფრთხეების შემცირების სააგენტოს (DTRA) თანამშრომლობის ფარგლებში ხორციელდება სააგენტოს ტექნიკური შესაძლებლობების გაძლიერების პროექტები; სასწავლო პროგრამები ვეტერინარებისათვის ბიოუსაფრთხოების პრინციპების ცოდნის გაღრმავების, ნიმუშების აღების მეთოდიკის, ტრანსპორტირებასთან და დაავადებების კონტროლთან დაკავშირებით.

შემთხვევითი სიახლე

საპარტნიორო ფონდს ენერგოობიექტებიდან თელასი დარჩება დასაბრუნებელი

თბილისი (BPI) „საპარტნიორო ფონდი“ კლინიკების შემდეგ  ენერგოობიექტებს აბრუნებს.  აღმასრულებელი დირექტორის დავით საგანელიძის განცხადებით, ფონდი ვერ …