ტუროპერატორმა TUI-მ თურქულ სასტუმროებს რუსების შესახლება აუკრძალა

უმსხვილესი ტუროპერატორის TUI-ის თურქეთის წარმომადგენლობამ TUI Tantur-მა რესპუბლიკის სასტუმროებს წერილი გაუგზავნა რუსი ტურისტების დაჯავშნის გაუქმების მოთხოვნით. აღნიშნულის შესახებ ინფორმაციას Turizmgazetesi ავრცელებს.

TUI-ის თურქული ფილიალი ამას ბალტიისპირეთის ქვეყნების ტუროპერატორების სურვილით ხსნის, რომლებსაც კომპანიასთან კონტრაქტები აქვთ გაფორმებული. სასტუმროებში, სადაც მათი კლიენტები განსახლდებიან, არ უნდა იყვნენ დამსვენებლები რუსეთის ფედერაციიდან. არსებული ჯავშნები უნდა გაუქმდეს და სტუმრები რუსეთის ფედერაციიდან გამოასახლონ.

სასტუმროებისთვის გაგზავნილ წერილში ნათქვამია, რომ ასეთი რეკომენდაცია ძალაშია 31 მაისამდე. შემდგომი განახლება მოხდება ყოველი თვის 20 რიცხვში. წერილს ხელს აწერს Tantur Travel AS-ის ფინანსური მენეჯერი ჯეზმი ოზქანი.

თუმცა, ამასობაში თურქეთში TUI Tantur-ის რუსული განყოფილება დაიხურა და მისი თანამშრომლები გაათავისუფლეს.

შემთხვევითი სიახლე

ლარი დოლართან გამყარდა, ევროსთან გაუფასურდა

17 მაისის ვაჭრობის შედეგად აშშ დოლარი გაუფასურდა და  2.9654 ლარი შეადგინა. კურსი, რომელიც დღეს მოქმედებდა, …