საბაზო სცენარი 3.5-4.0%-იან ზრდასთან კიდევ უფრო ახლოს არის, ვიდრე ეკონომიკის 1.5%-ით შემცირებასა ან 0.5%-ით მატების მოლოდინთან – თიბისი კაპიტალი

თიბისი კაპიტალის პროგნოზით, მიმდინარე ეკონომიკური თუ პოლიტიკური მოვლენების ფონზე, 2022 წლისათვის საბაზო სცენარი 3.5-4.0%-იან ზრდასთან კიდევ უფრო ახლოს არის, ვიდრე ეკონომიკის 1.5%-ით შემცირებასა ან 0.5%-ით მატების მოლოდინთან.

უკრაინაში ომის დაწყებიდან უკვე 1 თვე გავიდა. რისი თქმა შეგვიძლია საქართველოს მაკროეკონომიკური პროგნოზების შესახებ კვირის განმავლობაში დამატებით ინფორმაციაზე დაყრდნობით? საერთაშორისო დონეზე, ეკონომიკური კუთხით, ერთ-ერთი მნიშვნელოვანი განვითარება რუბლის შედარებითი სიძლიერეა. ძირითადად იმ მიზეზების გამო, რაც თიბისი კაპიტალის 7 მარტის განახლებაშია აღწერილი. ამასთან, როგორც ჩანს, რუსეთიდან ენერგომატარებლების რუბლში ანაზღაურების ალბათობის გარკვეული მატებაც ასევე რელევანტურია.

საქართველოს ეკონომიკური მაჩვენებლების მხრივ, თიბისი კაპიტალის 25 მარტის „აღდგენის დინამიკის“ ინდიკატორები ეკონომიკის შედარებით მდგრადობაზე მიუთითებს. ამავდროულად, თებერვლის საქონლით ვაჭრობის დეტალური მაჩვენებლების მიხედვით იკვეთება, რომ ექსპორტის ფასების ზრდა ნავთობისა და იმპორტის სხვა კატეგორიების გაძვირებას მნიშვნელოვნად აბალანსებს. ამდენად სავარაუდოა, რომ სამომავლოდ საგარეო ვაჭრობის შედარებითი ფასის მკვეთრი გაუარესება არ მოხდება. თავისთავად, ეს მნიშვნელოვანია, როგორც ზრდის, ასევე ლარის კურსისათვის, რომელიც, თიბისი კაპიტალის მოლოდინების შესაბამისად, კვირის ბოლოს მცირედით გამყარდა.

თიბისი კაპიტალი აჯამებს არსებულ ინფორმაციას ძირითადი მაკროეკონომიკური პარამეტრების პროგნოზის განახლებისათვის, რაც ამავე კვირაში მაკროეკონომიკურ მიმოხილვაში იქნება ხელმისაწვდომი. ამასთან, ამ ეტაპზე შეიძლება ითქვას, რომ 2022 წლისათვის საბაზო სცენარი 3.5-4.0%-იან ზრდასთან კიდევ უფრო ახლოს არის, ვიდრე ეკონომიკის 1.5%-ით შემცირებასა ან 0.5%-ით მატების მოლოდინთან.

თიბისის მთავარი ეკონომისტის 2მარტის ყოველკვირეულ განახლებას შეგიძლიათ გაეცნოთ ვებგვერდზე.

 

შემთხვევითი სიახლე

ენერგეტიკის სასწავლო ცენტრი და იუნისეფი იწყებენ თანამშრომლობას განახლებადი ენერგიის, კლიმატის ცვლილებისა და ჰაერის დაბინძურების პრობლემების გადაჭრის მიზნით

გაეროს ბავშვთა ფონდის (UNICEF) მხარდაჭერით საქართველოს ენერგეტიკისა და წყალმომარაგების მარეგულირებელ ეროვნულ კომისიასთან (სემეკ) არსებულ ელიზბარ …