OpenAI-მ Apple-ის ყოფილი მთავარი დიზაინერის სტარტაპი შეისყიდა

22/05/2025 1,840 ნახვა

კომპანიამ OpenAI სტარტაპ io-ს შესყიდვის შესახებ განაცხადა, რომელიც ხელოვნური ინტელექტის გამოყენებისთვის შესაბამის გაჯეტებს აწარმოებს.

Bloomberg-ის ინფორმაციით, გარიგების ღირებულებამ 6,4 მილიარდი დოლარი შეადგინა. ეს ყველაზე მასშტაბური გარიგებაა OpenAI-ს ისტორიაში.

io Apple-ის ყოფილმა მთავარმა დიზაინერმა ჯონი აივმა 2019 წელს, კორპორაციიდან წასვლის შემდეგ შექმნა. OpenAI-სა და io-ში ის საკუთარ თავზე შემოქმედებით და დიზაინერულ მოვალეობებს აიღებს. სტარტაპის გუნდი ChatGPT-ს შტატში შევა. ამასთან, აივი შეინარჩუნებს კრეატიულ დამოუკიდებლობას და დიზაინის ყველა მიმართულებით დაკავდება.

მოსალოდნელია, რომ გარიგება ზაფხულში დასრულდება, პირველ ერთობლივ მოწყობილობას კი კომპანიები 2026 წელს წარადგენენ.

შემთხვევითი სიახლე

აუცილებელია რომ მეტმა ახალგაზრდამ იცოდეს რამდენად მნიშვნელოვანია ენერგეტიკის სექტორის განვითარება – დავით ნარმანია

საქართველოს ენერგეტიკისა და წყალმომარაგების მარეგულირებელი ეროვნული კომისიის (სემეკ) თავმჯდომარემ, პროფესორმა დავით ნარმანიამ, სხვადასხვა უნივერსიტეტის სტუდენტებისთვის …