Business Political Insights BPI.GE
თბილისი (BPI) – თურქეთი ჩაის მოხმარების მხრივ მსოფლიოში ერთ-ერთი ლიდერი ქვეყანაა. სტამბოლის ჩაის სახლების ასოციაციის ხელმძღვანელის განმარტებით, ამ ქვეყნის მაცხოვრებელი წლის განმავლობაში საშუალოდ 1 300 ჭიქა ჩაის სვამს.
სერდარ ერშახინის თქმით, თურქი დღის განმავლობაში საშუალოდ 3-5 ჭიქა ჩაის მოიხმარს. თუმცა არის პერიოდები, როდესაც ეს მაჩვენებელი 10-მდე იზრდება. თურქი არ იყენებს პაკეტის ჩაის, ან სხვა მეთოდით დამზადებულ ჩაის. ის როდესაც ჩაის ხარშავს, მის მომზადებას 20 წუთამდე სჭირდება.
გარდა მოხმარებისა, თურქეთი ჩაის მოყვანისა და ექსპორტის მხრივაც ერთ-ერთი მოწინავე ლიდერი ქვეყანაა.
თურქეთი ჩაის ექსპორტს 100-მდე ქვეყანაში ახდენს.
