ლიბერთიმ ვითიბი ბანკ ჯორჯიას ოქროს ლომბარდის მიგრაციის პროცესი დაასრულა

ლიბერთიმ ვითიბი ბანკ ჯორჯიას ოქროს ლომბარდის მიგრაციის პროცესი დაასრულა. როგორც ბანკის მიერ გავრცელებულ ინფორმაციაშია აღნიშნული, წარმატებით დასრულდა  სს ლიბერთი ბანკის მიერ სს ვითიბი ბანკ ჯორჯიას ოქროს ლომბარდის პორტფელის მიგრაციის პროცესი.

პროცესი ოპერატიულად, უმოკლეს ვადაში განხორციელდა და პორტირებაზე შესაბამისი კომუნიკაცია  თითოეულ მომხმარებელთან ინდივიდუალურად, ყველა მსესხებლის ინტერესების სრული დაცვით  განხორციელდა.

ვითიბი ბანკ ჯორჯიას ოქროს ლომბარდით მოსარგებლე 10 ათასზე მეტ მომხმარებელს დღეიდან სს ლიბერთი ბანკის ფილიალები მოემსახურება. ასევე მნიშვნელოვანია ის ფაქტი,რომ  ლიბერთის გუნდს დღეიდან შეუერთდება ვითიბი ბანკ ჯორჯიას ოქროს ლომბარდის თანამშრომლების მნიშვნელოვანი ნაწილი.

სს ლიბერთი ბანკი არის სიდიდით მესამე სისტემური ბანკი, რომლის აქტივები 3  მილიარდ ლარს შეადგენს  და ემსახურება 1.7 მილიონ ფიზიკურ პირსა და 50 ათას მცირე, საშუალო და მსხვილ ბიზნესს მთელი საქართველოს მასშტაბით.

 

შემთხვევითი სიახლე

ირაკლი ლექვინაძემ პარლამენტში 2021 წლის ანგარიში წარადგინა

საქართველოს კონკურენციის ეროვნული სააგენტოს თავმჯდომარე, ირაკლი ლექვინაძემ პარლამენტში, ადამიანის უფლებათა დაცვისა და სამოქალაქო ინტეგრაციის კომიტეტის …