Groupe ADP თბილისის საერთაშორისო აეროპორტის განვითარებაზე მომდევნო წლებში 150 მლნ აშშ დოლარის ინვესტიციას განახორციელებს

16/01/2026 192 ნახვა

საქართველოს აეროპორტების გაერთიანებამ (UAG) და TAV Georgia-მ, თბილისის საერთაშორისო აეროპორტის მშენებლობის, ოპერირებისა და გადაცემის შესახებ ხელშეკრულებაში ცვლილების შეტანის თაობაზე შეთანხმება გააფორმა. დოკუმენტს ხელი აეროპორტების გაერთიანების გენერალურმა დირექტორმა ლევან მოსეშვილმა და TAV Georgia-ს გენერალურმა მენეჯერმა თეა ზაქარაძემ მოაწერეს.

დოკუმენტი ასახავს თბილისის საერთაშორისო აეროპორტის ინფრასტრუქტურული გაფართოებისა და ოპერაციული განვითარების ძირითად მიმართულებებს და მიზნად ისახავს, 2031 წლამდე, საერთაშორისო სტანდარტების შესაბამისად, აეროპორტის შესაძლებლობების განვითარებას და მგზავრთნაკადის 5-დან 10-მლნ-მდე ზრდას.

შეთანხმების თანახმად, 2027–2031 წლებში, თბილისის საერთაშორისო აეროპორტში Groupe ADP 150 მილიონი აშშ დოლარის ინვესტიციას განახორციელებს, რომელიც მიმართული იქნება ტერმინალისა და აეროდრომის ინფრასტრუქტურის გაფართოებაზე, ტექნოლოგიური და ოპერაციული სისტემების მოდერნიზაციასა და მგზავრთა სერვისების თანამედროვე სტანდარტების დანერგვაზე.

გაფართოების პროექტი მნიშვნელოვნად გააუმჯობესებს თბილისის საერთაშორისო აეროპორტის ოპერაციულ ეფექტიანობას, უზრუნველყოფს უსაფრთხო და კომფორტული სამგზავრო გარემოს შექმნას და ხელს შეუწყობს მგზავრთნაკადის ზრდას.

თბილისის საერთაშორისო აეროპორტის ინფრასტრუქტურული განვითარების ფარგლებში:
• თვითმფრინავების სადგომების რაოდენობა 58-დან 65-მდე გაიზრდება, რაც მნიშვნელოვნად გააუმჯობესებს ოპერაციულ მოქნილობასა და ფრენების მართვის ეფექტიანობას;
• გაიზრდება სარეგისტრაციო დახლების და ბარგის კარუსელების რაოდენობა;
• გაფართოვდება საპასპორტო კონტროლის ზონა, ავტოსადგომის ტერიტორია და კომერციული სივრცეები;
• შესაძლებელი გახდება ახალი სავაჭრო, კვების და ბიზნეს-ლაუნჯის სერვისების დანერგვა, აქცენტი გაკეთდება ქართული პროდუქციისა და კულინარიის პოპულარიზაციაზე.
• თბილისის შოთა რუსთაველის სახელობის საერთაშორისო აეროპორტის განვითარების ახალი პროექტის განხორციელებით, საქართველოს აეროპორტების გაერთიანება, შოთა რუსთაველის სახელობის აეროპორტიდან ყოველწლიურად დაახლოებით 3-ჯერ მეტ შემოსავალს მიიღებს.

• საქართველოს აეროპორტებს გაერთიანება მიიღებს პროექტის ღირებულების საავანსო თანხას (Upfront fee) დამატებით 25 მილიონ აშშ დოლარს.
• თბილისის შოთა რუსთაველის სახელობის საერთაშორისო აეროპორტის განვითარებისათვის, განხორციელდება 150 მილიონი აშშ დოლარის ინვესტიცია პროექტის დასრულება 2028 წლისთვის არის დაგეგმილი.

მომდევნო წლებში, თბილისის შოთა რუსთაველის სახელობის აეროპორტში განხორციელებული უპრეცედენტო მასშტაბის ინვესტიცია მნიშვნელოვან სოციალურ და ეკონომიკურ გავლენას იქონიებს ავიაციისა და ტურიზმის სფეროს განვითარებაზე. პროექტში დასაქმებულთა თითქმის 100 პროცენტი ადგილობრივი მოსახლეობა იქნება, ხოლო მშენებლობისა და ოპერირების პროცესში ჩართული მცირე და საშუალო ბიზნესი დამატებით ეკონომიკურ შესაძლებლობებს მიიღებს.

თბილისის საერთაშორისო აეროპორტის გაფართოების შესახებ შეთანხმება ხაზს უსვამს ქვეყნის ავიაციის, ტურიზმისა და ეკონომიკის განვითარების სტრატეგიულ მნიშვნელობას და მიზნად ისახავს საქართველოს პოზიციის კიდევ უფრო განმტკიცებას რეგიონულ და გლობალურ საავიაციო ქსელში.

ინფორმაციას საქართველოს აეროპორტების გაერთიანება ავრცელებს.

შემთხვევითი სიახლე

ფინანსთა სამინისტრო: ბოლო 5 წლის განმავლობაში ბიუჯეტის დეფიციტის ფაქტობრივი მაჩვენებელი მუდმივად კლებადია

ბიუჯეტის დეფიციტურ ხარჯვასთან დაკავშირებით გავრცელებულ მორიგ სიცრუეს, სრულიად აქარწყლებს ის ოფიციალური მონაცემები, რომელიც გამოქვეყნებულია სტატისტიკის ეროვნული სამსახურისა და ფინანსთა სამინისტროს ოფიციალურ ვებგვერდებზე. კერძოდ: ⁠⁠ბოლო5 წლის განმავლობაში ბიუჯეტის დეფიციტის ფაქტობრივი მაჩვენებელი მუდმივად კლებადია; ⁠⁠2025წელი ამ მხრივ გამორჩეული იყო, ვინაიდან პირველად დეფიციტის მაჩვენებელი მნიშვნელოვნად ჩამოსცდა მშპ-ის 2%-ს და 1,4% შეადგინა, რაც ბიუჯეტის დეფიციტის ისტორიული მინიმუმია; ⁠⁠ნომინალურმაჩვენებლებსაც თუ შევხედავთ, გეგმასთან მიმართებით დეფიციტი მცირდებოდა, საშუალოდ, 150-200 მლნ ლარის ფარგლებში, თუმცა გასულ წელს დეფიციტის შემცირების მაჩვენებელმა 1 მილიარდ ლარს გადააჭარბა; ⁠⁠ასევესიცრუეა, თითქოს, შემოსავლებს და ხარჯებს შორის სხვაობა გასულ პერიოდში დაგროვილი ნაშთით დაფინანსდა. თუ შევხედავთ მთავრობის ჯამურ დეპოზიტებს, მისი მოცულობა 2025 წელს, ჯამურად, 900 მილიონ ლარზე მეტით გაიზარდა და 6 მილიარდ 100 მილიონ ლარს გადააჭარბა. ⁠⁠უშუალოდსახელმწიფო ბიუჯეტის დეპოზიტების ზრდამ 80 მილიონ ლარს გადააჭარბა; ⁠⁠ასევე,აღსანიშნავია, რომ 2025 წელს სახელმწიფო ბიუჯეტში დაგეგმილი შემოსავალი გადაჭარბებით შესრულდა და ჯამში, გადაჭარბებამ 200 მილიონ ლარზე მეტი შეადგინა. ამ მონაცემებიდან გამომდინარე, ბიუჯეტის დეფიციტურ ხარჯვასთან დაკავშირებით დღეს გავრცელებული მორიგი დეზინფორმაცია და მისი დაკავშირება სასურსათო პროდუქციის ფასებთან, არის საზოგადოების შეცდომაში შეყვანის მორიგი უშედეგო მცდელობა.