გოგიტა თოდრაძე გაეროს ESCAP-ის პანელურ დისკუსიაში მონაწილეობს

გოგიტა თოდრაძე გაეროს ESCAP-ის პანელურ დისკუსიაში მონაწილეობს. 30 მაისს სტატისტიკის ეროვნული სამსახურის აღმასრულებელმა დირექტორმა გოგიტა თოდრაძემ გაეროს აზიისა და წყნარი ოკეანის ეკონომიკური და სოციალური კომისიის (UN ESCAP) მიერ ორგანიზებულ პანელურ დისკუსიაში მიიღო მონაწილეობა.
✅ პანელური დისკუსია ონლაინ რეჟიმში გაიმართა და გაეროს აზიისა და წყნარი ოკეანის ეკონომიკური და სოციალური კომისიის Stat Café შეხვედრების სერიის (Stats Café series) ორი წლის იუბილეს ეძღვნებოდა.
✅ თავდაპირველად, გაეროს ESCAP-მა Stats Café შეხვედრების სერია Covid -19 პანდემიის დროს ეროვნული სტატისტიკური სისტემების მხარდასაჭერად და გამოცდილების გასაზიარებლად 2020 წლის მაისში დაიწყო. მოგვიანებით კი აღნიშნულ შეხვედრებს უფრო ფართო ხასიათი მიეცა და საზოგადოებისთვის სხვა მრავალი მნიშვნელოვანი თემა მოიცვა.
✅ საქსტატის აღმასრულებელმა დირექტორმა, რომელიც პანელურ დისკუსიებში ჩვენს რეგიონს წარმოადგენდა, COVID-19-ის პანდემიის დროს და მის შემდგომ არსებული გამოწვევების დაძლევისა და პროგრესის დაჩქარების მიზნით, აზიისა და წყნარი ოკეანის რეგიონის მიერ ყველა შესაძლო პლატფორმის, მათ შორის Stats Café -ების გამოყენების აუცილებლობაზე ისაუბრა. იმავდროულად გოგიტა თოდრაძემ, ESCAP-ის ყველა აქტივობაში, 2030 წლის მდგრადი განვითარების დღის წესრიგის მთავარ პრიორიტეტულ საკითხად, არა მხოლოდ სტატისტიკის სისტემის, არამედ ყველა სხვა სფეროს შემდგომი განვითარებისათვის, ქცევის მნიშვნელობას გაუსვა ხაზი.
✅ შეხვედრა ინტერაქტიურ ხასიათს ატარებდა და დამსწრე საზოგადოებას შესაძლებლობა ჰქონდა Stats Café -ების შემდგომი, მათთვის საინტერესო თემებისა და სიხშირის შესახებ ონლაინ დისკუსიაში მიეღოთ მონაწილეობა.
✅ საქსტატის აღმასრულებელ დირექტორთან ერთად შეხვედრაში მონაწილეობას იღებდნენ გაეროს ESCAP-ის აღმასრულებელი მდივნის მოადგილე, გაეროს ESCAP-ის სტატისტიკის სამმართველოს დირექტორი, ტაილანდის სტატისტიკის სამსახურის გენერალური დირექტორი და ავსტრალიის სტატისტიკის სამსახურის წარმომადგენლები.
✅ აღსანიშნავია, რომ 2020 წლიდან დღემდე გამართულია 85-ზე მეტი Stats Café შეხვედრების სერია, რომელშიც 104-მდე ქვეყნის წარმომადგენელმა მიიღო მონაწილეობა.

შემთხვევითი სიახლე

ირაკლი ლექვინაძემ მცირე და საშუალო მეწარმეთა ევროპულ კონგრესში მიიღო მონაწილება

პოლონეთის მცირე და საშუალო მეწარმეთა ომბუდსმენის მოწვევით კონკურენციის ეროვნული სააგენტოს თავმჯდომარემ ირაკლი ლექვინაძემ და საქართველოს …