FTX Crypto Derivatives Exchange-ის დელეგაცია საქართველოში არსებულ ბიზნესგარემოსა და საინვესტიციო შესაძლებლობებს ეცნობა

კრიპტოვაჭრობის სფეროში მსოფლიოში უმსხვილესი კომპანია FTX Crypto Derivatives Exchange-ის დელეგაცია საქართველოში არსებულ ბიზნესგარემოსა და საინვესტიციო შესაძლებლობებს ეცნობა.

კომპანიის ხელმძღვანელი პირები, რომლებიც საქართველოში პრემიერ-მინისტრ ირაკლი ღარიბაშვილის მოწვევით იმყოფებიან, სხვადასხვა სახელმწიფო უწყებაში სამუშაო შეხვედრებს მართავენ.

FTX Crypto Derivatives Exchange-ის აღმასრულებელ დირექტორს ციფრული ბაზრების მიმართულებით რაიან სელემსა და ციფრული აქტივების ბაზრის ასოციაციის (ADAM) აღმასრულებელ დირექტორი მიშელ ბონდს სააგენტოს „აწარმოე საქართველოში“ დირექტორი მიხეილ ხიდურელი შეხვდა.

შეხვედრაზე მიხეილ ხიდურელმა დელეგაციის წევრებს საქართველოს საინვესტიციო გარემო გააცნო. განიხილეს უპირატესობები, რომელიც ქვეყანას ბიზნესპროცესების დისტანციურად მიწოდებასა და IT მიმართულებით აქვს.

სააგენტოს „აწარმოე საქართველოში“ დირექტორმა ყურადღება გაამახვილა ქვეყნის უპირატესობებზე და ხაზი გაუსვა ადამიანური კაპიტალის კუთხით ქვეყანაში არსებულ რესურსებს.

ვიზიტის ფარგლებში დაგეგმილია შეხვედრები, როგორც სახელმწიფო უწყებების, ასევე კერძო სექტორის წარმომადგენლებთან.

შემთხვევითი სიახლე

ირაკლი ლექვინაძემ მცირე და საშუალო მეწარმეთა ევროპულ კონგრესში მიიღო მონაწილება

პოლონეთის მცირე და საშუალო მეწარმეთა ომბუდსმენის მოწვევით კონკურენციის ეროვნული სააგენტოს თავმჯდომარემ ირაკლი ლექვინაძემ და საქართველოს …