Business Political Insights BPI.GE
თბილისი (BPI) – საერთაშორისო სარეიტინგო სააგენტო Fitch-ის ანგარიშში დადებითად არის შეფასებული საქართველოში საპენსიო რეფორმა.
საპენსიო სააგენტოს უფროსი ლევან სურგულაძე 1tv-სთან აღნიშნავს, რომ უახლოეს წლებში საქართველოში უპრეცედენტო მასშტაბის საინვესტიციო კაპიტალის ბაზა შეიქმნება.
„Fitch-ის რეიტინგში აისახა საქართველოს ბოლოდროინდელი რეფორმები, მათ შორის რეფორმა დაგროვებითი საპენსიო სისტემის შესახებ. უახლოეს წლებში საქართველოში შეიქმნება უპრეცედენტო მასშტაბის საინვესტიციო კაპიტალის ბაზა, რომელიც ხელს შეუწყობს კაპიტალის ბაზრის განვითარებას. ეს ხელს შეუწყობს ეკონომიკის ზრდის დაჩქარებას, სამუშაო ადგილების შექმნასა და ზოგადად, ქვეყნის კეთილდღეობის გაუმჯობესებას,” – აღნიშნავს ლევან სურგულაძე.
