Business Political Insights BPI.GE
თბილისი (BPI) – TBC Research-ი FDI -ის კლებას ელის, მესამე კვარტალში მშპ-სთან მიმართებაში 5-6%-მდე შემცირდება.
პირდაპირი უცხოური ინვესტიციების კლება 50%-ის ფარგლებშია მოსალოდნელი, რაც გარკვეულწილად დაბალანსდება ოქტომბრის დადებითი ტენდენციებით ექსპორტით და ტურიზმით.
წინასწარი მონაცემებით, პირდაპირი უცხოური ინვესტიციების მოცულობამ Q2/2019 $187 მლნ შეადგინა, რაც Q2/2018 -ის დაზუსტებულ მონაცემებზე 53.7%-თ ნაკლებია.
TBC -ი ეკონომიკის ზრდის შენელებასაც პროგნოზირებს, რაზეც მონეტარული პოლიტიკის გამკაცრებაც მოქმედებს, თუმცა ინფლაციაზე კურსიდან მომდინარე წნეხის შესაკავებლად, ეკონომიკის მუხრუჭსა და ინფლაციას შორის არჩევანი ფასების სტაბილურობის შენარჩუნებაზე კეთდება.
11 დეკემბერს ჩანიშნული მპკ-ის სხდომაზე განაკვეთის 0.5%-ით, 9%-მდე გაზრდას ელიან. TBC Research-ანგარიშში ვკითხულობთ, რომ პოლიტიკის მოსალოდნელი გამკაცრების მიზეზებს შორისაა საარჩევნო წელთან დაკავშირებული მოლოდინები და ლარის კურსის გაუფასურება.
პოლიტიკის შერბილებას 2020 წლიდან ვარაუდობენ. 2019 წლისთვის მშპ-ს 4.7% ზრდაა მოსალოდნელი, 2020 წელს კი 4.3%-ის ფარგლებში.
