Business Political Insights BPI.GE
თბილისი (BPI) – საქართველოს ავიაბაზარზე შესაძლოა არაბეთის გაერთიანებული საემიროების ავიაკომპანია Emirates-ი შემოვიდეს.
ორ ქვეყანას შორის საჰაერო მიმოსვლის, საქართველოს მიმართულებით Emirates-ის შესაძლო ოპერირებაზე ტურიზმის ეროვნული ადმინისტრაციის ხელმძღვანელმა მარიამ ქვრივიშვილმა და შეიხ ახმედ ბინ საიდ ალ მაქტუმმა ისაუბრეს.
შეიხთან გამართულ შეხვედრაზე არსებული რეისების სიხშირეების გაზრდის შესაძლებლობებიც განიხილეს. ავიაკომპანია Flydubai თბილისში დღეში ორი სიხშირით დაფრინავს, ხოლო ზაფხულის სეზონზე ყოველდღიურ რეისებს ბათუმის მიმართულებით შეასრულებს.
შეხვედრაზე ასევე განიხილეს ქვეყნის ტურიზმის ინდუსტრიის შესაძლებლობები.
შეიხი არაბთა გაერთიანებულ საამიროებში დუბაის სამოქალაქო ავიაციის პრეზიდენტია და მსოფლიოში ერთ-ერთი უმსხვილესი საავიაციო ჯგუფის ხელმძღვანელია, სადაც ავიაკომპანიები: Emirates, Flydubai და დუბაის საერთაშორისო აეროპორტია გაერთიანებული, რომელიც მსოფლიოში დატვირთვით მესამე ადგილზეა და ყოველწლიურად 90 მილიონამდე მგზავრს ემსახურება.
