ელენე ხოშტარიას ოჯახი BRITISH LAND-ისა და Land securities-ის აქციონერი გახდა

თბილისი (BPI) – ელენე ხოშტარიას მეუღლემ 2018 წელს  ფასიანი ქაღალდებში ინვესტირებას მიანიჭა უპირატესობა.

საინფორმაციო სააგენტო GBC-ი პოლიტიკოსის ახალი დეკლარაციის მიხედვით წერს, რომ პოლიტიკოსის მეუღლე ირაკლი ბერიძე BRITISH LAND -ის და Land securities-ის აქციონერი გახდა.  ორივე კომპანია უძრავი ქონების აქტივების მფლობელია.

2018 წლის მონაცემებით, “m2 უძრავი ქონების” წამყვანი მენეჯერი Land securities -ის 400  და BRITISH LAND -ის 350 აქციას ფლობს. აქციებში ჩადებული თანხა ამჯარად არც ისე ბევრია, თუმცა პერსპექტივაში, კომპანიების წარმატება აქციონერს არაერთ დივიდენდს მოუტანს.

GBC-ი წერს, რომ ირაკლი ბერიძე ასევე არის GEORGIA CAPITAL-ის 1280 აქციის მფლობელი, რომელიც BGEO Group-ის (საქართველოს ბანკის ჯგუფის) გაყოფის შემდეგ ერგო.

მის ხელშია სს m2 უძრავი ქონების 11 ობლიგაციაც, თითო 1014 დოლარის ნომინალის.