Business Political Insights BPI.GE
კომპანია „IDS ბორჯომი საქართველომ“ 49 თანამშრომელი გაათავისუფლეს. როგორც კომპანიაში განმარტავენ, კომპანია დღეს უდიდესი გამოწვევის წინაშე დგას და მენეჯმენტი ყველაფერს აკეთებს იმისათვის, რომ გადაარჩინოს კომპანია და მაქსიმალურად შეინარჩუნოს სამუშაო ადგილები.
” შექმნილ ვითარებაში იძულებული გავხდით ცვლილება შეგვეტანა, დასაქმებულთა ხელშეკრულებებში, რადგან კომპანიას აღარ აქვს ქარხანაში მოცდენილი საათების 100%-ით ანაზღაურების შესაძლებლობა. სწორედ ამიტომ შევთავაზეთ თანამშრომლებს განახლებული პირობები (რაც გულისხმობს, მოცდენილი საათების 50%-ით ანაზღაურებას – ნამუშევარი საათების ანაზღაურება რჩება უცვლელი), რაც სამწუხაროდ, თანამშრომელთა მცირე ნაწილისთვის მისაღები არ აღმოჩნდა, რის გამოც იძულებული გავხდით, ქარხანაში დაგვეწყო რეორგანიზაციის პროცესი და 49 თანამშრომლისათვის კანონმდებლობის საფუძველზე შეგვეწყვიტა ხელშეკრულებები. გვინდა მადლობა გადავუხადოთ თანამშრომელთა იმ დიდ ნაწილს, რომელიც გაგებით ეკიდება არსებულ ვითარებას და ვიტოვებთ იმედს, რომ შემდგომი შემცირებების განხორციელება აღარ მოგვიწევს“, – აცხადებენ კომპანია „ბორჯომში“.
