BAG-ი საქართველოში უძრავი ქონების პირველი საერთაშორისო კვირეულის პარტნიორი გახდა

07/02/2020 953 ნახვა

საქართველოს ბიზნეს ასოციაციამ (BAG) საქართველოში უძრავი ქონების პირველი საერთაშორისო კვირეულის პარტნიორი გახდა. BAG-იმ კვირეულის ჩატარების თაობაზე თანამშრომლობის მემორანდუმი გააფორმა.

მემორანდუმი გაფორმდა კვირეულის ორგანიზატორებს შორის: Property Georgia, მმართველი პარტნიორი ლიკა ქარდავა; FIABCI-Georgia, პრეზიდენტი ქეთევან ტაბატაძე; ExpoGeorgia, დირექტორი რესან ქიქავა; საქართველოს უძრავი ქონების ეროვნული ასოციაციის თავმჯდომარე, მარიამ დემურია და საქართველოს ბიზნეს ასოციაციის აღმასრულებელი დირექტორი ლევან ვეფხვაძე.

29 აპრილიდან 3 მაისის ჩათვლით, ExpoGeorgia-ს ტერიტორიაზე, Property Georgia-ს, FIABCI-Georgia-ს, ExpoGeorgia-ს, საქართველოს უძრავი ქონების ეროვნული ასოციაციისა (GNARE) და საქართველოს ბიზნეს ასოციაციის (BAG) ერთობლივი ძალისხმევით არაერთი საინტერესო, მასშტაბური ღონისძიება გაიმართება, მათ შორის: საერთაშორისო გამოფენები და დაჯილდოებები, თემატური კონფერენციები, საგანმანათლებლო მასტერკლასები და უძრავი ქონების საინვესტიციო ტურები.

„საქართველოს ბიზნეს ასოციაციისთვის მნიშვნელოვანია ასეთი ტიპის თანამშრომლობა, როგორც ჩვენს ადგილობრივ, ასევე საერთაშორისო პარტნიორებთან. იმედს გამოვთქვამ, დაგეგმილი უძრავი ქონების კვირეული მნიშვნელოვანი იქნება ამ სექტორში მოღვაწე კომპანიებისთვის იმ გამოწვევების ფონზე, რაც უძრავი ბაზრის სექტორში ბოლო პერიოდში არსებობს“ – განაცხადა ლევან ვეფხვაძემ.

შემთხვევითი სიახლე

ცენტრალური გათბობის სისტემის დანერგვის ხელშეწყობისთვის სემეკმა რეგულაცია შეიმუშავა

მრავალბინიან საცხოვრებელ სახლებში ცენტრალური გათბობის სისტემის დანერგვისა და განახლებადი ენერგიის გამოყენების ხელშეწყობის მიზნით, საქართველოს ენერგეტიკისა …