Business Political Insights BPI.GE
თბილისი (BPI) – ნავსადგურის საკონტეინერო ტერიტორიიდან ავტომანქანების დროულად გაუყვანლობა ფოთის ნავსადგურს პრობლემებს უქმნის.
APM Terminals-ს საკონტეინერო ტერიტორიის ავტოსადგომის გადატვირთულობის გამო, კონტეინერების გახსნის მაჩვენებლის 40%-ით შემცირება მოუხდა, რამაც გაზარდა მომსახურების გაწევის დრო.
კომპანია უკვე დაუბრუნდა ჩვეულ საოპერაციო ტემპს და საკონტეინერო ტერიტორიაზე დღიურად 80 და მეტი კონტეინერის გაიხსნება. თუმცა, APM Terminals-ში შიშობენ, რომ ვითარება შესაძლოა კვლავ გაუარესდეს, თუ ავტომანქანების ნავსადგურიდან გაყვანა არ მოხდება კონტეინერების გახსნიდან უმოკლეს დროში.
ნავსადგურის საკონტეინერო ტერიტორიაზე ტვირთების სწრაფად მოძრაობის წასახალისებლად, 24 აგვისტოდან ძალაში შედის ახალი ტარიფები, რომელთა მიხედვითაც 15%-იანი ფასდაკლება გავრცელდება ავტომანქანებზე, რომლებიც საკონტეინერო ტერიტორიას დატოვებენ მათი კონტეინერიდან გამოყვანიდან 3 დღის ვადაში.
