30 აპრილიდან ყველა სამგზავრო მატარებელი კოპიტნარში გაჩერდება

30/04/2022 695 ნახვა

კოპიტნარის რეაბილიტირებულ სადგურში დღეს პირველი მატარებლები გაჩერდნენ. საქართველოს რკინიგზის ახალი გაჩერება ქუთაისის აეროპორტის მგზავრებზე არის გათვლილი.

კომპანიის გენერალური დირექტორის განცხადებით, დღეიდან განახლებულ სადგურში ყველა მაგისტრალური მიმართულებით მოძრავი  მატარებელი გაჩერდება. საქართველოს რკინიგზის გენერალური დირექტორი, დავით ფერაძე აღნიშნავს, რომ საქართველოს რკინიგზა მგზავრებს კომფორტულ მომსახურებასა და უსაფრთხო გადაყვანას სთავაზობს. განახლებულ სადგურს ,,ქუთაისის აეროპორტი” ეწოდა.

ის თანამედროვე სტანდარტებს შეესაბამება და შეზღუდული შესაძლებლობების მქონე პირებისთვის არის ადაპტირებული. საქართველოს რკინიგზის ინიციატივით, პირველი 7 დღის განმავლობაში ყველა მგზავრი, რომელიც ქუთაისის აეროპორტის ავიაბილეთს რკინიგზის სალაროში წარადგენს თბილისიდან, ზუგდიდიდან, ბათუმიდან, ფოთიდან და ოზურგეთიდან კოპიტნარამდე და კოპიტნარიდან თბილისის, ბათუმის, ზუგდიდის, ფოთისა და ოზურგეთის მიმართულებით – უფასოდ იმგზავრებს.

შემთხვევითი სიახლე

წყალმომარაგების სექტორში მეტი ინვესტიცია ნიშნავს შემცირებულ ავარიულ გათიშვებსა და მოწესრიგებულ ინფრასტრუქტურას – დავით ნარმანია

სემეკის თავმჯდომარემ, დავით ნარმანიამ მონაწილეობა მიიღო საქართველოს ეკონომიკური ფორუმის 31-ე პანელურ დისკუსიაში – „წყლის რესურსები …