2022 წლის აჭარის რესპუბლიკური ბიუჯეტი ისტორიულ მაქსიმუმს – 436 000 000 ლარს შეადგენს

2022 წლის აჭარის ა.რ რესპუბლიკური ბიუჯეტი ისტორიულ მაქსიმუმს – 436 000 000 ლარს შეადგენს. 2021 წელთან შედარებით ზრდა 21 778 200 ლარია.

ბიუჯეტის ზრდა განპირობებულია შემოსავლებიდან მისაღები თანხებით, რაც 28 562 800 ლარით გაიზარდა და 332 500 000 ლარს შეადგენს.

ბიუჯეტი აჭარის ა.რ უმაღლეს საბჭოს აჭარის ფინანსთა და ეკონომიკის მინისტრმა წარუდგინა. ჯაბა ფუტკარაძემ საბიუჯეტო პარამეტრებზე და განსახორციელებელ პროექტებზე ისაუბრა.

აჭარის ფინანსთა და ეკონომიკის სამინისტროს ბიუჯეტი-10 954 100 ლარით გაიზარდა და 134 785 300 ლარს შეადგენს.

აჭარის საავტომობილო გზების დეპარტამენტის ბიუჯეტი – 620 600 ლარით გაიზარდა და 60 620 600 ლარს შეადგენს.

აჭარის ტურიზმის დეპარტამენტის ბიუჯეტი – 3 628 000 ლარით გაიზარდა და 13 275 000 ლარს შეადგენს.

აჭარის ჯანმრთელობისა და სოციალური დაცვის სამინისტროს ბიუჯეტი – დაახლოებით 1 მლნ ლარით გაიზარდა და 28 121 900 ლარია.

აჭარის განათლების, კულტურისა და სპორტის სამინისტროს ბიუჯეტი – 7 099 300 ლარით გაიზარდა და 71 000 300 ლარს შეადგენს.

მუნიციპალიტეტებისთვის გადასაცემი ტრანსფერი – 14 507 800 ლარით გაიზარდა და 135 660 000 ლარს შეადგენს.