ჯორჯიან ქარდმა 3D უსაფრთხოების სერვისის სერტიფიკატი მოიპოვა

26/08/2019 1,116 ნახვა

თბილისი (BPI) – სს „ჯორჯიან ქარდი“ პირველი კომპანიაა საქართველოში, რომელმაც PCI 3DS (Three – Domain Secure) სერვისის სერტიფიკატი მოიპოვა.

3D უსაფრთხოების დონე, მომხმარებელს საშუალებას აძლევს, გამოიყენოს დაცვის დამატებითი მექანიზმი ინტერნეტით განხორციელებული ტრანზაქციებისთვის. აღნიშნული სერვისით სარგებლობა VISA, Master Card, და American Express ტიპის საბანკო ბარათებითაა შესაძლებელი და Verified by Visa, MasterCard Secure Code , Amex Safe Key-ის მხარდაჭერა გააჩნია.

„ჯორჯიან ქარდის“ საერთაშორის საგადახდო ბარათების 3D უსაფრთხოების სერვისის მუშაობა ინფორმაციული უსაფრთხოების საკითხებში ევროპის ერთ-ერთმა წამყვანმა საკონსულტაციო კომპანიამ შეისწავლა და შესაბამისი აუდიტორული დასკვნა მოამზადა. „ჯორჯიან ქარდის“ სისტემაში, საგადახდო ბარათების 3D უსაფრთხოების სერვისი 2014 წლიდან არის დანერგილი.

შემთხვევითი სიახლე

ვიშეგრადის საერთაშორისო ფონდის მხარდაჭერით სემეკის მიერ დაფუძნებულ ენერგეტიკის სასწავლო ცენტრში მიმდინარე პროექტის ფარგლებში გურიის რეგიონში საინფორმაციო შეხვედრები გაიმართა

ვიშეგრადის საერთაშორისო ფონდის (IVF) მხარდაჭერით, საქართველოს ენერგეტიკისა და წყალმომარაგების მარეგულირებელი ეროვნული კომისიის (სემეკ) მიერ დაფუძნებული …