Business Political Insights BPI.GE
თბილისი (BPI) – ჭავჭავაძის გამზირზე, სადაც რეაბილიტაცია უახლოეს მომავალში დაიწყება, სანაგვე ურნები მიწის ქვეშ განთავსდება. პროექტი საპილოტეა.
გამზირზე მოწესრიგდება კომუნიკაციები და გარე განათება, მოეწყობა საფეხმავლო ბილიკები და ავტობუსის ზოლები.
„ურნების მიწის ქვემოთ განთავსების შემდეგ, ეს ადგილები ზემოდან დახურული იქნება, არ იქნება თვალშისაცემი და რაც მთავარია, მეტი სისუფთავე შენარჩუნდება. შეიძლება ნარჩენების სეპარირებაზეც ვიფიქროთ. რეაბილიტირებულ სკვერებში ნარჩენების სეპარირებისთვის განკუთვნილი ურნების დადგმა უკვე დაწყებულია“, – განაცხადა მერმა.
პროექტი მომავალში სხვა რეაბილიტირებულ ქუჩებსა და გამზირებზეც განხორციელდება.
