ქვევრის ღვინოები ლონდონში

თბილისი (BPI) – ლონდონში  ბუნებრივი ღვინოების საერთაშორისო გამოფენა RAW WINE-ზე საქართველოდან ქვევრის ღვინის მწარმოებელი მარნები პროდუქციას წარადგენენ. 

ღვინის ეროვნული სააგენტოს და მონაწილე კომპანიების წარმომადგენლებმა შეხვედრები გამართეს ბრიტანელ იმპორტიორებთან. 

გამოფენაზე მოეწყო ქართული სამზარეულოს კუთხეც.

გამოფენაში მონაწილეობენ “გოცას საოჯახო მეღვინეობა”, “ნათენაძის ღვინის მარანი”, “შატო ხაშმი”, “მეღვინეობა ველინო”, “ნიკალას საოჯახო მარანი”, “ახმეტის ღვინის სახლი”, “მეღვინეობა ანაპეა”, “ალექსანდრეს ღვინის მარანი”, “ბაიას ღვინო” და “მეღვინეობა ართანა”.

სტუმრებს შესაძლებლობა აქვთ დააგემოვნონ ქვევრის ღვინო, გაეცნონ მისი  დამზადების უძველეს ტრადიციებს, ქვეყნის კულტურას და ისტორიას.

საქართველო ,,RAW WINE”-ში (The Artisan Wine Fair) 2012 წლიდან მონაწილეობს.