ქართულმა ტყავის ჩანთებმა ამერიკის და ავსტრალიის კონტინენტებიც დაიპყრო

თბილისი (BPI) – „აწარმოე საქართველოში“ მხარდაჭერით,  ქართული კომპანიები –  „გეფერინი“, „ჰუმანოიდი“ და „კოსმო“ ჰონგ-კონგში  ტყავის პროდუქციის საერთაშორისო გამოფენაზე APLF -ი წარდგნენ.

მეწარმეები პოტენციურ დამკვეთებს პირისპირ შეხვდნენ. „გეფერინი“ აქსესუარების ექსკლუზიურად ჩინეთში გაყიდვაზე აწარმოებს მოლაპარაკებებს (www.viyajewelry.com). სამხრეთ კორეაში გაიგზავნა აქსესუარების ნიმუშები და ელოდებიან პასუხს თანამშრომლობასთან დაკავშირებით. ავსტრალიასა და  სინგაპურში ნიმუშები გაიგზავნა.  ქუვეითურ კომპანიასთან ს ექსკლუიზიური ხელშეკრულება მზადდება.

„კოსმოსთვის“ დებიუტი იყო. მიმდინარეობს მოლაპარაკება ესპანურ კომპანიასთან,  ვებგვერდზე  ჩანთის ფოტოების განთავსებაზე. ამერიკული, ჩინური და შვედური კომპნიებისც არიან დაინტერესებულნი.

ჰონგ-კონგის კომპანია კოლექციის 2 მოდელით დაინტერესდა, რომლებიც გამოფენის რჩეულთა შორის მოხვდა.

„ჰუმანოიდი“ ამერიკულ, იაპონურ, გერმანულ და ქუვეითურ კომპანიებთან დებს შეთანხმებებს.  ის  ფრანქფურტის, ამერიკის, მილანის საერთაშორისო გამოფენებზე მიიწვიეს.