ქართულმა თაფლმა კანადაში მოწონება დაიმსახურა

თბილისი (BPI) – კანადაში ქართული თაფლის ბენეფისი წარმატებული გამოდგა.

ქართული თაფლი კანადაში უმსხვილეს საერთაშორისო გამოფენაზე Apimondia 2019 პირველად წარსდგა. მოწონება მან როგორც დარგის სპეციალისტებში ასევე გამოფენის სტუმრებში დაიმსახურა.

გამოფენას 80-მდე ქვეყნის დელეგაციის წარმომადგენლები და ვიზიტორები ესწრებოდნენ.

კანადაში გამართული 46-ე გამოფენის ძირითად თემად მეფუტკრეობის როლი სოფლის მეურნეობის განვითარებაში განისაზღვრა.