ტრანსკასპიურ დერეფანში ტვირთბრუნვა 71%-ით გაიზარდა

24/01/2020 782 ნახვა

თბილისი (BPI) – ტრანსკასპიური საერთაშორისო მარშრუტით ტვირთბრუნვა 71%-ით გაიზარდა და 10,7 ათას კონტეინერს მიაღწია. საქართველოს რკინიგზის ცნობით, ეს მაჩვენებელი დერეფანში რეკორდულია.

ტვირთბრუნვის შედეგები ყაზახეთის ქალაქ ალმათში საერთაშორისო ასოციაცია ,,ტრანსკასპიური საერთაშორისო სატრანსპორტო მარშრუტის“ (TITR), ასოციაცია ТМТМ-ის შეხვედრაზე შეაჯამეს. შეხვედრაზე საქართველოს რკინიგზის დელეგაცია დაესწრო გენერალური დირექტორის, დავით ფერაძის ხელმძღვანელობით. აღინიშნა, რომ 2019 წლის აპრილში წამოწყებულმა საფიდერო სერვისმა მნიშვნელოვნად გაზარდა შუა დერეფანში (Middle Corridor) ტვირთის ოდენობა და შეამცირა საკონტეინერო გადაზიდვის დრო.

ასოციაცია ТМТМ-ს ახალი წევრებიც შეემატნენ – ჩინური კომპანია ,,Xi’an Continental Bridge International Logistics Co., Ltd“ და ყაზახური  – ,,აქტაუს საზღვაო ჩრდილოეთ ტერმინალი“. შეხვედრაზე შეთანხმდა  2020 წლის სატარიფო პოლიტიკა.

 

 

შემთხვევითი სიახლე

ვიშეგრადის საერთაშორისო ფონდის მხარდაჭერით სემეკის მიერ დაფუძნებულ ენერგეტიკის სასწავლო ცენტრში მიმდინარე პროექტის ფარგლებში გურიის რეგიონში საინფორმაციო შეხვედრები გაიმართა

ვიშეგრადის საერთაშორისო ფონდის (IVF) მხარდაჭერით, საქართველოს ენერგეტიკისა და წყალმომარაგების მარეგულირებელი ეროვნული კომისიის (სემეკ) მიერ დაფუძნებული …