“სოფლის ტურიზმი და ტურისტული მომსახურებების თავისებურებები სოფლად“ – ტურიზმის ეროვნული ადმინისტრაცია ტრენინგის კურსებს იწყებს.

„სოფლის ტურიზმი და ტურისტული მომსახურებების თავისებურებები სოფლად“ – ტურიზმის ეროვნული ადმინისტრაცია ტრენინგის კურსებს იწყებს.
✅ საქართველოს ეკონომიკისა და მდგრადი განვითარების სამინისტროს ტურიზმის ეროვნული ადმინისტრაცია შიდა ტურიზმის ხელშეწყობის და მომსახურების ხარისხის გაუმჯობესების მიზნით ახალ პროექტს იწყებს.
ადმინისტრაციის ორგანიზებით, საქართველოს სხვადასხვა რეგიონში ნოემბერსა და დეკემბერში ტრენინგების კურსი „სოფლის ტურიზმი და ტურისტული მომსახურების თავისებურებები სოფლად“ გაიმართება.
ტრენინგები აგროტურისტული ობიექტების წარმომადგენელთათვის, საოჯახო სასტუმროებისა და სხვა განთავსების ობიექტების წარმომადგენელთათვის არის განკუთვნილი.
✅ტრენინგებზე დასწრება სოფლის ტურიზმით დაინტერესებულ და ამ მიმართულებით საქმიანობის დაწყების მსურველებსაც შეეძლებათ.
✅ტრენინგის, რომელსაც საქართველოს ეკო-ტურიზმის ასოციაციის ტრენერები გამართავენ,თემებია ტურისტული პროდუქტები, წარმატებული ტურისტული პროდუქტების მაგალითები, რეგულაციები და საკანონმდებლო ჩარჩო, ფინანსური აღრიცხვა და ფასწარმოქმნა, დივერსიფიცირებული პროდუქტი და დივერსიფიცირებული კომუნიკაციის არხები და ა.შ.
✅ სასწავლო კურსი ჩატარდა შიდა ქართლის რეგიონში.
✅სასწავლო კურსი სრულიად უსასყიდლოდ, რეგულაციების სრული დაცვით გაგრძელდება საქართველოს შემდეგ ქალაქებსა და დაბებში:
ბოლნისი, თეთრიწყარო, ოზურგეთი, ლანჩხუთი, ჩოხატაური, ხონი, წყალტუბო, ხარაგაული, ზესტაფონი,ბაღდათი,ვანი.

შემთხვევითი სიახლე

სემეკის ბიუჯეტის ზრდა ბუნებრივია, რადგან ბოლო 10 წელში მათი საქმიანობის არეალი გაზრდილია – ვახტანგ ჭარაია

“სემეკის საქმიანობა 2013 წელთან შედარებით დღეის მდგომარეობით გაცილებით გაზრდილია, შესაბამისად, მეტი თანხა რომ დაიხარჯება მათ …