სოფელ მარელისთან მეწყერის ჩამოწოლის შედეგად საავტომობილო ხიდი და ლიანდაგი დაზიანდა

სოფელ მარელისთან მეწყერის ჩამოწოლის შედეგად რკინიგზაზე გარდამავალი საავტომობილო ხიდი დაზიანდა. დაზიანებულია ასევე, საავტომობილო ხიდი. ასევე დაზიანებულია რკინიგზის  ლიანდაგი და საკონტაქტო ხაზი.

“გამთენიისას, უღელტეხილის მონაკვეთზე, კერძოდ სოფელ მარელისთან მეწყერი ჩამოწვა, რის შედეგადაც მნიშვნელოვნად  დაზიანდა რკინიგზაზე გარდამავალი საავტომობილო ხიდი. ასევე დაზიანებულია რკინიგზის  ლიანდაგი და საკონტაქტო ხაზი. მომხდარის გამო, დღეს დილიდან სატვირთო და სამგზავრო მატარებლების მოძრაობა შეჩერებულია. ადგილზე მობილიზებულია სპეც ტექნიკა. ლიანდაგის გაწმენდისა და საკონტაქტო ხაზის აღდგენის შემდეგ, სამგზავრო და სატვირთო მატარებლების მოძრაობა ეტაპობრივად განახლდება. საბედნიეროდ არავინ დაშავებულა. კომპანიის წარმომადგენლები მაქსიმუმს აკეთებენ, რომ შეძლებისდაგვარად მალე განახლდეს მოძრაობა”, აღნიშნულია საქართველოს რკინიგზის განცხადებაში.