სახელმწიფო კომპანია „იჯიესში“ საკუთარ 50%-იან წილს ყიდის

21/09/2023 371 ნახვა

სსიპ სახელმწიფო ქონების ეროვნული სააგენტო კომპანია „იჯიესის“ სახელმწიფოს საკუთრებაში არსებულ 50%-იან წილს ყიდის. წილის გასასხვისებლად აუქციონი 2 ოქტომბერსაა ჩანიშნული და ლოტის საწყისი ღირებულება 2 104 000 ლარს შეადგენს.

საჯარო რეესტრის მონაცემებით, კომპანიის 50%-ის მფლობელი „გარდაბანი ჰოლდინგზ ფი-ფი ბი.ვია“ (ნიდერლანდები).

კომპანიის საკუთრებაშია უძრავი ქონება:

1. ქალაქ ქუთაისში, ავტომშენებლის ქუჩა  N88-ში არსებული შენობა-ნაგებობის  ½ ნაწილი (ს/კ  N03.01.21.048)

2. ქალაქ ქუთაისში, ავტომშენებლის ქუჩა  N88-ში არსებული  18608 კვ.მ.  მიწის  ნაკვეთი  და  მასზე  განთავსებული  N1-N11 შენობა-ნაგებობები  (ს/კ  N03.01.21.743)

eauction.ge-ზე განთავსებული ინფორმაციის მიხედვით „იჯიესის“ აქტივები  (2023  წლის 23  იანვრის   მდგომარეობით)  –   472 791   ლარი იყო, ხოლო ვალდებულებები (2023  წლის 23  იანვრის   მდგომარეობით)  –  0  ლარი.

კომპანიის საკუთარი  კაპიტალი, 23  იანვრის   მდგომარეობით,  472 791  ლარს შეადგენდა.

 

 

შემთხვევითი სიახლე

ცენტრალური გათბობის სისტემის დანერგვის ხელშეწყობისთვის სემეკმა რეგულაცია შეიმუშავა

მრავალბინიან საცხოვრებელ სახლებში ცენტრალური გათბობის სისტემის დანერგვისა და განახლებადი ენერგიის გამოყენების ხელშეწყობის მიზნით, საქართველოს ენერგეტიკისა …