Business Political Insights BPI.GE
საწვავის ბაზრის მონიტორინგის ფარგლებში მიღებულ შედეგებთან დაკავშირებით, საქართველოს პრემიერ-მინისტრის, ირაკლი ღარიბაშვილის დავალებით, კონკურენციის ეროვნული სააგენტოს თავმჯდომარე, ირაკლი ლექვინაძე, ეკონომიკისა და მდგრადი განვითარების მინისტრი, ლევან დავითაშვილი და ფინანსთა მინისტრი, ლაშა ხუციშვილი მცირე ქსელების წარმომადგენლებს შეხვდნენ.
სამუშაო შეხვედრის ფორმატში, მხარეებმა საწვავის ბაზარზე არსებულ სიტუაციაზე, მიღებულ მონაცემებზე, კონკურენციის ხარისხის გაუმჯობესებასა და სამომავლო პროგნოზებზე იმსჯელეს. საწვავის მსხვილი ქსელების წარმომადგენლებთან კომუნიკაცია მიმდინარე კვირაში გაგრძელდება.
