საქსტატის დირექტორის მოადგილედ ირაკლი აფხაიძე დაინიშნა

ირაკლი აფხაიძეს სტატისტიკის ეროვნულ სამსახურში მუშაობის 11 წლიანი გამოცდილება აქვს.

2018 წლიდან იყო საქსტატის საბჭოს წევრი. 2012-2021 წლებში მუშაობდა ამერიკის საერთაშორისო განვითარების სააგენტოს (USAID) სხვადასხვა პროექტში მონიტორინგისა და შეფასების მენეჯერად, 2012 წელს საქსტატის მოსახლეობის 2014 წლის აღწერის საველე სამუშაოების კოორდინატორად. 2008-2012 წლებში იყო – ფონდი – ათასწლეულის გამოწვევა საქართველოსა და საქართველოს სტატისტიკის სამსახურის ერთობლივი პროექტის მენეჯერი და გამოკვლევის კოორდინატორი. 2001-2008 წლებში იგი მუშაობდა საქსტატში სხვადასხვა თანამდებობებზე, სოციალური და დემოგრაფიული სტატისტიკის მიმართულებით.

ირაკლი აფხაიძეს დამთავრებული აქვს ივ. ჯავახიშვილის სახელობის თბილისის სახელმწიფო უნივერსიტეტის ეკონომიკის ფაკულტეტი, სტატისტიკის სპეციალობით.