საქართველოს რკინიგზისა და პოლონეთის სარკინიგზო სექტორის წარმომადგენლების მონაწილეობით „დაძმობილების პროექტის“ დახურვის ცერემონია გაიმართა

ეკონომიკისა და მდგრადი განვითარების სამინისტროს, საქართველოს რკინიგზისა და პოლონეთის სარკინიგზო სექტორის წარმომადგენლების მონაწილეობით დღეს „დაძმობილების პროექტის“ დახურვის ცერემონია გაიმართა.

პროექტი, რომელიც ევროკავშირის დაფინანსებით მიმდინარეობს, მიზნად საქართველოს სარკინიგზო სექტორის ევროპულ სტანდარტებსა და დებულებებთან მიახლოებასა და საქართველოს რკინიგზის მარეგულირებელი გარემოს გაძლიერების მხარდაჭერას ემსახურება.

„დაძმობილების პროექტის“ ფარგლებში, პოლონელი ექსპერტები ქართველ პარტნიორებს ასოცირების ხელშეკრულების თანახმად, დაგეგმილ საკანონმდებლო ცვლილებებთან დაკავშირებით, პროექტების შემუშავებასა და პრაქტიკული წინადადებების მომზადებაში ეხმარებიან.

პროექტი, რომელიც 2021 წლის მარტში დაიწყო საქართველოში რკინიგზის მარეგულირებელი გარემოს გაძლიერების ხელშეწყობას ითვალისწინებს. დახურვის ცერემონიაზე მხარეებმა მუშაობის შედეგები შეაჯამეს და ისაუბრეს იმ ჩარჩო დოკუმენტებზე, რომელიც საქართველოს სარკინიგზო სექტორს ევროკავშირის კანონმდებლობასთან მიახლოებაში დაეხმარება.

შემთხვევითი სიახლე

რეგულარული საჰაერო მიმოსვლის განხორციელების მიზნით საქართველოსა და სერბეთის რესპუბლიკას შორის საჰაერო მიმოსვლის შესახებ შეთანხმება და ურთიერთგაგების მემორანდუმი გაფორმდა

მიმდინარე წლის 5 ივნისს, სერბეთის რესბუბლიკის დედაქალაქ ბელგრადში, საქართველოსა და სერბეთის მთავრობებს შორისსაჰაერო მიმოსვლის შესახებ …