Business Political Insights BPI.GE
ლიბიაში ნავთობის უმსხვილესი საბადოები დაბლოკილ იქნა აქციის მონაწილეების მიერ, რომლებიც მოითხოვენ პრემიერ-მინისტრ აბდელა ჰამიდა დბეიბას გადადგომას, იუწყება Bloomberg.
თავად აბდელ ჰამიდ დბეიბა გადადგომაზე უარს ამბობს.
საპროტესტო აქციების შედეგად დროებით დაიხურა აშ-შარარას, ელ-ფილის და კიდევ რიგი სხვა უმსხვილესი საბადოები დასავლეთ ლიბიაში. ამის გამო ქვეყანაში ბოლო 10 დღის განმავლობაში ნავთობის მოპოვება შემცირდა 1,3 მილიონი ბარელიდან 500 ათას ბარელამდე/დღეში.
თუმცა, ლიბიის ნავთობის სამინისტრომ Facebook-ზე განაცხადა, რომ საბადოები, რომლებიც პროტესტის გამო დაიხურა, შესაძლოა უახლოეს დღეებში გაიხსნას.
ლიბიის მთავრობა „საბოლოო შეთანხმების მიღწევის პროცესშია“, რომელმაც უნდა გადაჭრას საბადოების დაბლოკვის პრობლემა.
