საექსპორტო ბაზრებზე ქართულ პროდუქციაზე მოთხოვნა გაიზარდა

თბილისი (BPI) – საექსპორტო ბაზრებზე ქართულ პროდუქციაზე მოთხოვნა იზრდება.

საქსტატის მონაცემებით, 2020 წლის იანვარში 2019 წლის ანალოგიურ პერიოდთან შედარებით ექსპორტი 10%-ით $262,2 მლნ-მდე გაიზარდა.

ზრდსი ტენდენციაა იმპორტზეც, წლიური ზრდა 3,9%-ია 619,7 მლნ დოლარამდე.

2020 წლის იანვარში საქართველოში საქონლით საგარეო სავაჭრო ბრუნვამ (არადეკლარირებული ვაჭრობის გარეშე) 882.4 მლნ დოლარი შეადგინა, მაჩვენებელი 5.7%-ით არის გაზრდილი.

უარყოფითმა სავაჭრო ბალანსმა 2020 წლის იანვარში $357.1 მლნ და საგარეო სავაჭრო ბრუნვის 40.5% შეადგინა.