რუსეთი ქართული ალკოჰოლური სასმელების კონტროლს ამკაცრებს

თბილისი (BPI) – რუსეთის მომხმარებელთა უფლებების დაცვის ფედერალური სააგენტო „როსპოტრებნადზორი“ ქართულ ალკოჰოლურ სასმელებზე ხარისხის კონტროლს ამკაცრებს.

მიზეზი, როგორც უწყების მიერ გვარცელებულ განცხადებაშია ნათქვამი, 2014-2018 წლებში იზრდება ისეთი ქართული ალკოჰოლური პროდუქციის რაოდენობა, რომელიც უწყების მიერ მოთხოვნილ სტანდარტებს არ აკმაყოფილებს.

უწყების მონაცემებით, 2014-დან 2018 წლის ჩათვლით უხარისხო ალკოჰოლური სასმელების მაჩვენებელი 2.9-ჯერ გაიზარდა და 2018 წელს 203 ათას ლიტრს მიაღწია.